Erap hindi iaapela ang desisyon ng SC vs curfew ordinance
MANILA, Philippines — Inihayag ni Manila City Mayor Joseph Estrada na hindi na sila aapela sa naging desisyon ng Korte Suprema hinggil sa ordinansa ng lungsod sa pagpapatupad ng curfew sa mga kabataan.
Ayon kay Estrada, susundin nila kung ano ang desisyon ng SC bagama’t pinag-iisipan naman nilang amyendahan na lamang ito upang mas mabigyan ng proteksiyon ang mga kabataan nang hindi nalalabag ang kanilang karapatang pantao.
“Wala tayong magagawa. It’s the highest court of the land. We have to follow. Nobody is above the law, not even the President,” dagdag pa ni Estrada.
Bagama’t dismayado sa desisyon ng SC, sinabi ng alkalde na may nakikita pa naman silang paraan upang maipatupad ito. Aniya, dapat na amyendahan ang naturang ordinansa, City Ordinance No. 8046, dagdag pa niya.
- Latest