Protesta hindi dapat maliitin – Lacson
Ipinaalala ni Senator Panfilo “Ping” Lacson na kung pagbabatayan ang kasaysayan ng mundo, lahat ng mga bumagsak na liderato nagsimula dahil sa pagpo-protesta ng iilan. File
MANILA, Philippines — Hindi dapat maliitin ang bilang ng mga nagsagawa ng protesta kamakalawa laban sa administrasyong Duterte na isinabay sa paggunita ng deklarasyon ng Martial Law.
Ipinaalala ni Senator Panfilo “Ping” Lacson na kung pagbabatayan ang kasaysayan ng mundo, lahat ng mga bumagsak na liderato nagsimula dahil sa pagpo-protesta ng iilan.
Sinabi ni Lacson na ang bilang ng mga nagprotesta ay hindi maaring isantabi na lamang ang sabihing mga nag-iingay lamang laban sa administrasyon.
Kung ikukumpara umano sa nakuhang boto ng Pangulo, maituturing na napakaliit ang bilang ng nasa 5,000 hanggang 8,000 nagsagawa ng kilos protesta pero hindi pa rin ito dapat balewalain.
Pero naniniwala rin si Lacson na hindi babalewalain ni Pangulong Rodrigo Duterte ang mga negatibong isyu na ibinabato sa kanyang administrasyon.
- Latest
