De Lima humirit na makadalo sa Senate hearing ng Kian slay
Nakakulong sa Philippine National Police custodial center sa Camp Crame si Sen. Leila de Lima dahil sa umano’y kaugnayan niya sa ilegal na droga. AP/Bullit Marquez, file
MANILA, Philippines – Hiniling ng kampo ni Sen. Leila de Lima ngayong Martes sa Korte Suprema na makadalo siya sa pagdinig ng Senado sa pagkamatay ng 17-anyos na estudyante ng Caloocan City.
Naghain ng “very urgent legislative furlough” ang kampo ng senadora sa mataas na hukuman para makasali sa imbestigasyon ng Senate public order and dangerous drugs committee sa pagkasawi ni Kian delos Santos sa kamay ng mga pulis ng Caloocan City.
Sen. Leila de Lima asks SC to allow her to attend this Thursday's Senate inquiry into the killing of Kian delos Santos | @hey_marv pic.twitter.com/ZqMdE1qa5L
— The Philippine Star (@PhilippineStar) August 22, 2017
Bukod sa pagkasawi ni delos Santos, sisilipin din ng Senado sa Huwebes ang sunud-sunod na pagkamatay ng mga drug suspects sa bansa, kabilang ang naitalang pinakamalaking bilang sa loob ng isang araw na 32 sa lalwigan ng Bulacan.
Nakakulong sa Philippine National Police custodial center sa Camp Crame si de Lima dahil sa umano’y kaugnayan niya sa ilegal na droga.
- Latest
