Hatol kay Pemberton pinagtibay ng CA
MANILA, Philippines - Pinagtibay ng Court of Appeals (CA) ang hatol na 10 taong pagkakakulong kay US Lance Corporal Joseph Scott Pemberton sa pagpaslang kay Filipino transgender “Jennifer Laude” sa Olongapo City noong 2014.
Tuluyang ibinasura ng appellate court ang motion for reconsideration na inihain ng kampo ni Pemberton noong Abril 3, 2017 sa desisyon na nagsasaad na siya ay “guilty beyond reasonable doubt” sa kasong homicide.
Ibinasura rin ng CA ang partial motion for reconsideration na inihain ng Office of the Solicitor General (OSG) na nagsasabing hindi binigyan si Pemberton ng pagkakataon na maisama ang mga panahon na inilagi niya sa bilangguan sa ibinigay na hatol.
Sa mosyon ni Pemberton, iginiit niya na hindi niya pinatay si Laude at buhay pa ang biktima ng iwan niya sa motel.
Depensa pa niya na ‘self defense’ lamang ang ginawa niyang pananakit nang magtalo matapos malaman na transgender ang kanyang tinangkang ikama.
Sinabi naman ng CA na walang bagong argumento na iprinisinta si Pemberton.
- Latest
