2 araw na coding hirit ng MMDA
MANILA, Philippines - Sakaling suportahan ng mga alkalde sa Metro Manila, gagawin nang dalawang araw ang number coding ng bawat sasakyan sa Kamaynilaan.
Sinabi ni Metro Manla Development Authority (MMDA) Chairman Danilo Lim sa pagdinig ng House committee on transportation, kailangang mabawasan ang volume ng mga sasakyan kaya maaaring magsakripisyo ng kaunti ang publiko para sa lahat sa pamamagitan ng dalawang araw kada linggo ng hindi paggamit ng sasakyan.
Paliwanag ni Lim, mayroong 2.5 milyon hanggang 2.6 milyong rehistradong sasakyan sa Kamaynilaan at ito ?ay 30 porsyento ng lahat ng sasakyan sa buong bansa subalit ang road network umano sa Metro Manila ay limang porsyento lamang ng kabuuang road network sa Pilipinas.
Giit pa niya, napakahirap umanong gumawa ng solusyon kung parami ng parami ang sasakyan habang hindi naman nadadagdagan ang kalsada.
Kaya giit ni Lim, kailangan ng bawasan ang mga sasakyan na gumagamit sa lansangan.
- Latest