Malaysians, Indonesians kabilang sa mga nasawi sa Marawi clash

MANILA, Philippines – Kinumpirma ng gobyerno na may mga dayuhang terorista ang tumutulong sa Maute group na kasalukuyang nanggulo ngayon sa Marawi City.

Nalaman ito dahil sa mga ulat na may napaslang ang hanay ng gobyerno na mga dayuhan mula nang makasagupa ang armadong grupo nitong Martes.

"We are continuously verifying that there have been a number of them who have been killed," pahayag ni Armed Forces of the Philippines spokesperson Brig. Gen. Restituto Padilla.

"There is a certain information that we received which confirmed the killing of 12 members of this group and half of that are foreign terrorist Malaysians, Indonesians, and one other," dagdag niya.

Kinumpirma rin ang pahayag ni Solicitor General Jose Calida na aniya’y hindi na rebelyon ang nangyayari sa bansa ngunit pananakop.

"What is happening in Mindanao is no longer a rebellion of Filipino citizens. It has transmogrified into an invasion by foreign terrorists who heeded the clarion call of [the Islamic State]," ani Calida.

Nasa ilalim ngayon ng martial law ang Mindanao dahil sa panggugulo ng Maute group na sumusuporta sa international terrorist group na ISIS.

Samantala, inamin naman ni Padilla na dati na silang may nadadakip na dayuhan na tumutulong sa armadong grupo sa paggawa ng mga bomba.

"Based on what we have so far and based on the accomplishments that we have been able do the last months, yes there were foreign terrorist who are among those killed in many of our operations," sabi ng tagapagsalita ng AFP.

Umabot na sa 44 ang nasawi, kung saan 31 dito ay mga miyembro ng Maute habang 11 sundalo at dalawang pulis naman ang nawala sa gobyerno.