Ermitanyo sa Tuktok ng Bangin

Nag-trending sa social media ang balitang inilabas ng news.abs-cbn.com tungkol sa trabaho na hinahanap sa Austria.

Kaso lang, maraming kundisyon ang nasabing trabaho. Mag-isa ka lang daw maninirahan sa isang mataas na lugar at walang kapitbahay. Wala ring Internet, heater, kuryente at running water ‘di tulad ng ating nakasanayan. Pero araw-araw  ka naman daw gigising sa isang mala-paraisong lugar.

Ang pagiging ermitanyo pala ang ino-offer na trabaho na patitirahin sa bangin na may taas na 1,400 meters above sea level.

Batay sa job des­cription na inilabas ng mga namamahala sa lugar, hanap nila ang aplikanteng may koneksiyon sa paniniwalang Kristiyano, payapa ang kalooban at payag na walang suweldo.

Nakatakdang manirahan sa lugar ang mapipiling aplikante mula Abril hanggang Nobyembre.

Hindi naman mag-iisa sa kabuuan ng kanyang pananatili ang ermitanyo dahil maraming turista at bisita doon, na ang pakay ay magdasal at makita ang magandang tanawin.