Bato itutumba ng narco cops
MANILA, Philippines – Maliban sa mga top drug lords, may death threats na rin si Philippine National Police (PNP) Chief P/Director General Ronald “Bato” dela Rosa mula sa mga narco cops kabilang ang isang retiradong heneral na tinukoy ni Pangulong Rodrigo Duterte na sangkot sa illegal drug trade.
Ito ang ibinulgar ni dela Rosa sa mediamen na sinabing kung dati-rati ay mga drug lords sa Bilibid ang nagtatangka sa kanyang buhay, ngayon ay isang kabaro niya na sangkot sa illegal na droga.
“We also received information na itong heneral na mayayaman na ito ay nakapag-ipon na ng pera ay pinopondohan na rin (ako) para ma-neutralize,” pag-amin ni dela Rosa. Ang heneral na natukoy niyang may matinding galit sa kanyang anti-drug war ay isang dating mataas na opisyal sa PNP ( ret. Deputy Director General Marcelo Garbo).
- Latest
