Senate probe sa ‘riot’ hirit ni Leila, Trillanes
MANILA, Philippines – Isang resolusyon ang inihain kahapon nina Senator Leila de Lima at Antonio Trillanes IV na naglalayong imbestigahan ng Senado ang nangyaring riot sa National Bilibid Prison (NBP) kung saan namatay ang “high profile inmate” na si Tony Co at malubhang nasugatan ang apat na iba pa.
Ayon sa dalawang senador, dapat silipin ng Senado ang diumano’y ‘incompetence’ at mismanagement na Bureau of Corrections at PNP dahil nangyari ang riot at sinasabing paggamit ng shabu ng mga nakakulong sa Building 14 kahit pa dapat ay mahigpit ang ginagawang pagbabantay sa mga preso na itinuturing na mga drug lords.
Nakasaad pa sa resolusyon na noong Hulyo 20, 2016, ang mga miyembro ng PNP SAF ang namahala na sa NBP sa Muntinlupa habang sumasailalim sa retraining ang mga empleyado ng BuCor.
Samantala, sinabi ni Sen. Sherwin Gatchalian na mahirap paniwalaan na nagkataon lamang ang timing ng riot kaya dapat magkaroon ng imbestigasyon.
- Latest
