Trillanes itinangging tumanggap ng pera mula kay Imee Marcos

MANILA, Philippines — Pinabulaanan ni vice presidential aspirant Sen. Antonio Trillanes IV ngayong Huwebes ang paratang ng dati niyang kasamahan sa Magdalo group.

Sinabi ni Trillanes na nagsisinungaling si Marine Capt. Nicanor Faeldon nang isiwalat niyang binigyan ng pera ni dating Ilocos Norte Gov. Imee Marcos ang senador noong 2004 pagkatapos ng Oakwood mutiny.

Aniya hindi ito totoo at iniiba lamang ni Faeldon ang usapan para sa kaniyang kasamahang si presidential candidate Davao City Mayor Rodrigo Duterte.

"That's a brazen lie. I did not receive a single centavo from Gov. Imee Marcos, and they can ask her about it. This is just a diversion because Mayor Duterte cannot face the P2.4 billion ill-gotten wealth issue," pahayag ni Trillanes.

Sa isang pulong balitaan kahapon sa tanggapan ng STAR, sinabi ni Faeldon na dinalhan ng pera ni Marcos si Trillanes noong sila ay nakakulong sa Intelligence Service of the Armed Forces of the Philippines matapos ang mutiny.

"I thought we are against corruption and you are getting money from families of perceived corrupt," wika ni Faeldon habang inaalala ang mga nangyari. “Sa susunod ‘wag mo na ako isama.”

Samantala, sinabi ni Trillanes na noong 2006 pa expelled si Faeldon sa Magdalo group.

"Right now, he is a member of Mayor Duterte's campaign team and is being used to divert the public's attention from the main issue of Duterte's P2.4 billion ill-gotten wealth.”