Pope Francis bibisita sa Pinas sa Enero 15-19, 2015

MANILA, Philippines - Kumpirmado na ang pagbisita ni Pope Francis sa bansa sa Enero 2015.

Inihayag ni Manila Archbishop Luis Antonio Cardinal Tagle na darating sa bansa ang Santo Papa sa Enero 15-19 matapos ang kanyang pagbisita sa Sri Lanka mula Enero 12-15. Tutungo ang Santo Papa sa Metro Manila at ilang lugar na tinamaan ng kalamidad lalo na sa Visayas area.

Ang buong detalye umano ng iba pang iskedyul ng pagbisita ng Papa ay ilalabas bago matapos ang taon.

Pero ayon kay Tagle, posible umanong sa Metro Manila lalapag ang eroplano at aalis din pabalik naman ng Vatican.

Maaari rin umanong maging bahagi ng apostolic visit ni Pope Francis ang University of Santo Tomas na palaging bahagi ng ganitong mga okasyon lalo na ang interaction sa mga kabataan o estudyante.

Ang naturang petsa ay nagkataong siya ring pinili noon ni Pope John Paul II visit para sa World Youth Day noong 1995.