Abad pagpapaliwanagin sa Senado
MANILA, Philippines — Ipinatawag ng Senate Committee on Finance si Budget Secretary Florencio Abad upang magpaliwanag tungkol sa Disbursement Acceleration Program (DAP) na idineklara na ng Korte Suprema na hindi naaayon sa Saligang Batas.
Pinahaharap sa komite si Abad sa Hulyo 21 at inutusan ni Finance committee chairman Sen. Chiz Escudero ng kumpletong listahan ng Special Allotment Release Orders (SARO) na ipinamahagi sa ilalim ng DAP.
"You have been asking us which among our programs and projects were funded by the DAP... This is what we have been asking the DBM (Department of Budget and Management) too since our last committee hearing: where is the list?" sabi ni Escudero.
Nais pagpaliwanagin ni Escudero si Abad sa mga naglalabasang ulat na P372 bilyon ang lumabas na pondo sa ilalim ng naturang programa, taliwas sa P200 bilyon na inaprubahan ng budget department.
"If we want to scrutinize the DAP releases under the guidance of the SC decision, we need all the papers that only DBM can provide," wika ng Senador.
Sinabi naman ni Pangulong Benigno Aquino III na tinanggihan niya ang pagbibitiw ni Abad.
- Latest
