'Kaalyado ni PNoy sa pork scam 'di patatawarin'

MANILA, Philippines — Tiniyak ng Malacañang ngayong Miyerkules na lahat ay pantay-pantay sa pag-iral ng batas sa bansa kasunod nang pagsisiwalat ng negosyanteng si Janet Lim-Napoles ng kanyang mga nalalaman sa pork barrel scam.

Sinabi ni Presidential Communications Operations Office head Herminio Coloma Jr. na mananagot sa batas ang sinumang mapatunayang sangkot sa pang-aabuso sa Priority Development Assistance Fund kahit pa kaalyado ni Pangulong Benigno Aquino III.

"We have time and again pointed out that the symbol of justice of this country is a blind-folded lady carrying the scales of justice and that means that there is no fear or favor in the exercise of our responsibility to bring to the bar of justice those who are involved in the alleged misuse of public funds," wika ni Coloma.

Kaugnay na balita: Napoles hindi utak ng 'pork' scam - abogado

"Wala pong kinikilingan ang ating administrasyon. Walang pinipili na tukuyin. Ang batayan lamang ay konkretong ebidensya," dagdag ng opisyal ng Palasyo.

Ito ang naging pahayag ng Palasyo matapos ihain ni Napoles ang kanyang testimonya kay Justice Secretary Leila de Lima kung saan maraming mambabatas pa ang sangkot sa pork scam bukod pa kina Senate Minority Leader Juan Ponce Enrile at Senador Ramon Revilla Jr. at Jinggoy Estrada.

Samantala, ganito rin ang panawagan ni Senate President Franklin Drilon.

Kaugnay na balita: Isa pang mambabatas may pinakamalaking kinita sa pork scam – Lacson

"I fully support the full prosecution of all individuals involved in the pork barrel scam. The quest for justice must spare no one no matter their affiliation, and even the administration lawmakers and allies of the President must be covered by the investigation and its eventual prosecution," pahayag ng Senador.