Pacman bibisita kay PNoy
MANILA, Philippines - Magtutungo ngayon sa Malacañang si pambansang kamao at Sarangani Rep. Manny Pacquiao para sa kanyang courtesy call kay Pangulong Aquino.
Ala-1 ngayong hapon dadalaw si Rep. Pacquiao sa Palasyo matapos ang kanyang matagumpay na panalo laban kay Timothy Bradley Jr. at mabawi ang WBO welterweight championship belt makaraang talunin sa pamamagitan ng unanimous decision si Bradley sa Las Vegas, Nevada noong nakaraang Linggo.
Tatanggapin ng Pangulo si Pacquiao sa courtesy call nito sa Music room ng Malacañang.
Magugunitang nitong Biyernes Santo lamang dumating sa bansa ang pambansang kamao at dumiretso ito sa General Santos City at Sarangani kung saan ay binigyan siya ng heroes welcome matapos ang kanyang tagumpay sa laban kay Bradley.
- Latest