Love Story

Maayong adlaw sa tanang readers sa Banat News. Ako diay si  Martina, 33, ug taga  Barangay Apas,Cebu. Nag-work karon sa usa ka pharmacy ug lima ka buwan nako nga single sukad mi nagkabuwag sa akong ex nga ginganlan og Clifford, 27 nga taga Capitol Site, Cebu City.

Nilungtad ra og usa ka tuig ang among relasyon gumikan kay nangabit si Clifford. Una mi nga nagkaila ni Clifford kaniadto tungod kay gipaila-ila siya sa akong barkada  dinhi kanako sa usa ka fiesta  sa silingan namo nga barangay. Pag-una pa lang kita nako niya, na-crush dayon ko, kay medyo naa man pud siyay hitsura. Maayo gani kay friend ra pud diay siya sa akong barkada maong nagkaila dayon mi.

Naabot sa punto nga naghinatagay sa number ug nagkasuod gyud mi og maayo. Sa tinuod lang, vocal kaayo ko  nga naa ko’y gusto niya igo lang siya mopahiyom. Nagsige og sungog-sungog ang among barkada tungod sa among kasuod. Wala damha nga na-develop ra pud si Clifford kanako ug wala’y duha duha nga nisugot ko sa dihang nanguyab siya kanako.

Nag-one year mi niadtong August  2016, apan pipila ka adlaw human sa among anniversary, nagsige nami og away kay wala na siya’y time nako. Mahibulong lang ta, magsige siya og ana nga naa siya’y importanteng lakaw.  Hangtod naabot ang adlaw nga  duna’y nakasulti nako nga duna’y laing kairing-iring si Clifford.

Nagpabungol-bungol lang ko pag-una, pero walay aso nga makumkum.  Nasakpan  gyud nako si Clifford nga duna’y laing kuyog nga babaye sa usa ka mall. Niadtong tungora, wala ko ni-eskandalo, wala sila kabantay nga nakakita ko nila. Igo na lang ko nilikay ug kalit  nga  nitulo akong mga luha.

Ako siya nga giteksan nga nakakita ko sa iyang binuhatan ug wala ra gyud siya mo-reply. Wala nako nakigkita niya, ug nakasabot ra pud siya nga  didto ra kutob ang among relasyon.  Wala na mi angay nga istoryahan kay nakita nako kun unsa sila ka-sweet.  Love nako si Clifford pero dili ko ganahan nga mag-antos. Bahala’g sakit, pero wala na ko’y mahimo, didto lang siya sa iyang kabit.  Request lang ko sa lyrics sa Where Do Broken Hearts Go by Whitney Houston.

Hi Martina! Thank you so much sa imong LOVE STORY! Paabuta ugma puhon ang imong request

Dear Kalandrakasers, aduna ba kamo'y LOVE STORY? Suwata ka na ug ipadala pinaagi sa     pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa. Mahimo sab nga pinaagi sa snail mail. Ang atong address mao kini:

Love Story

C/o Banat News

Corner V. Gullas and D. Jakosalem Streets

Barangay Sto. Niño 

6000 Cebu City, Philippines