Iza giaway sa TonDeng fans
CEBU, Philippines - Gibutyag ni Iza Calzado nga daghan gyud ang ni-bash kaniya gumikan sa iyang role sa seryeng A Love To Last kun diin babag siya sa panaghigugmaay nila ni Anton (Ian Veneracion) ug Andeng (Bea Alonzo).
Bisan pa man sa kadaghang nagdumot kaniya, iyaha kining gikalipay gumikan kay nagpasabot lang kini nga epektibo ang iyang pag-arte.
"Well maganda yun kasi ibig sabihin effective yung character ko, ang aking portrayal so thank you sa mga naiinis ,” suma pa ni Iza.
Sa pagka-karon, busy ang aktres sa promosyon sa pelikulang Bliss nga gisalida na sa mga sinehan sugod kagahapon.
Age gap dili babag
Gibutyag ni Jodi Sta. Maria nga bisan taas sila og age gap sa iyang mga kapares sa pelikulang Dear Other Self nga sila si Joseph Marco ug Xian Lim, propesyonal ug tulin kaayo kini katrabaho.
"Siguro sa age lang naman nagkakatalo pero when it comes naman to professionalism and dedication sa craft hindi rin naman magpapahuli ang dalawang nakababatang leading men ko," she stated,” suma pa ni Jodi.
Nagmalaumon ang aktres nga mo-click ang maong pelikula ug aminado siya nga nakuryuso ang moviegowers sa dagan sa istorya niini gumikan kay mga bata ang iyang mga pares.
Erich, Echo ug Jasmine suwayan
Aduna’y pelikula nga gamaon si Direk Paul Soriano ug kini pagabidahan nila ni Jasmine Curtis-Smith , Erich Gonzales ug Jericho Rosales .
Pagahimoon didto sa Siargao ang pipila ka mga eksena niini.
Nipadayag si Jasmine nga wala siya magduha-duha sa pagdawat sa maong proyekto gumikan kay komportable ra siya kang Direk Paul kinsa nakauban niya kaniato sa pelikulang Transit.
“It's a film about finding home and gusto namin ipakita sa film na a simple life can bring happiness to anyone. Kailangan mo lang talagang hanapin yung organic and most pure way of living para ma-enjoy mo lahat and ma-achieve mo rin ang dreams mo while falling in love,” tsika pa ni Jasmine ngadto sa ABS-CBN News.
Nagpanikad na si Direk Paul sa maong proyekto gumikan kay mao kini ang labing una niya nga romantic-drama movie nga pagahimoon..
“Hopefully through the film people will appreciate and see the island of Siargao and of course the story that we’re going to tell. I’m hoping I can do this, that I can pull this off. I’m a little nervous actually. But you know I’m excited to work with a great cast,” matud pa sa direktor sa dihang nahinabi sa push.com.ph.
Dugang pa niya nga nitabang gyud si Jericho sa paghatag og dugang ideya sa pagpadagan sa maong proyekto.
Richard’s angels
Mag-uban sa umaabot nga pelikula sa Star Cinema sila si Angelica Panganiban, Richard Gutierrez ug Angel Locsin.
Gipahigayon na sa miaging adlaw sa tugkaran sa ABS-CBN ang story conference sa maong proyekto.
Mao kini ang comeback project ni Richard human sa taod-taod niya nga pagpahuway sa showbiz.
Kahinumdoman nga nagkauban na kaniadto sila si Richard ug Angel sa pipila ka mga pelikula ug serye sa GMA-7.
KathNiel movie naka-P300M na!
Duna gihapo’y mga sinehan sa nasud ang padayon nga nagpasalida sa pelikulang "Can't Help Falling In Love" nga gibidahan nila ni Kathryn Bernardo ug Daniel Padilla busa nagsaka na og maayo ang kita niini.
Nagmaya ang tibuok production team sa maong pelikula gumikan kay nikita na kini og P300 million.
Kauban sa Kathniel sa maong pelikula mao sila si , Cherry Pie Picache, Janus del Prado, Kristel Fulgar ug Matteo Guidicelli ug ubos kini sa direksyon ni Mae Cruz-Alviar .
"Congratulations sa atin, naka P300 million na tayo, yehey! I'm so happy. Thank you so much. Hindi magiging posible ang isang project kung wala 'yung lahat ng team na nandito ngayon sa iba't ibang department," suma pa ni Kathryn.
Gipakita usab sa maong pelikula ang pipila ka tourist spots sa Sugbo. (Sanden J. Anadia)
Steven gi-ban sa Ukraine
Giisip nga dakong hulga sa seguridad sa nasud nga Ukraine ang sikat nga aktor nga si Steven Seagal busa gi-ban siya nga motikang sa maong nasud sulod sa lima ka tuig.
Nasayran nga usa ka vocal nga supporter si Steven sa presidente sa Russia nga si Vladimir Putin .
Kahinumdoman nga niadtong Nobiyembre sa miaging tuig, nahatagan og Russian citizenship ang aktor. (BANAT NEWS)
- Latest