Alden target ni Kris

Gipangandoy ni Kris Aquino nga makauban si Alden Richards sa usa ka proyekto ug modala siya isip inahan niini. Suma pa ni Kris nga boutan ug maayo nga aktor si Alden. Kever lang si Kris sa mga nisaway kaniya human niya gibutyag ang iyang tinguha nga makauban si Alden.

Coco nayayay

Naglain ang lawas ni Coco Martin hinungdan nga wala kini katambong sa awards night sa Metro Manila Film Festival. Kahinumdoman nga gihatagan siya og Special Jury Prize ug recipient sa Fernando Poe, Jr. Memorial Award. Si Coco maoy bida sa pelikulang Ang Panday.

Kontento na

Kontento na si Amy Perez sa maayong dagan sa iyang career. Makita si Amy sa Umagang Kay Ganda ug  sa noontime show nga It’s Showtime. Naa pud siya’y programa sa dzMM.

Photo shoot sa Germany

Nitikang sa Germany sila si Pinoy Big Brother Lucky Season 7 Big Winner Maymay Entrata ug Edward Barber alang sa usa ka  photo shoot. Naabtan sila og Pasko sa maong dapit ug gi-enjoy nila og todo ang holiday.

Nitabang og masakiton

Malipayon si Gardo Versoza sa pagsaulog sa Pasko gumikan kay nakatabang siya sa iyang isigkatawo.  Aktibo si Gardo sa grupo niya nga Cupcake Bikers 143, usa ka organisasyon sa bike riders. Ang maong grupo nihimo og fundraising alang sa usa ka bata nga dunay sakit .

Negosyo palapdan

Target ni Alden Richards nga palapdan pa og maayo ang iyang restaurant. Karong 2018, plano sa aktor nga magtukod og dugang branch sa iyang negosyo. Malipayon ang aktor sa nagsunod-sunod nga blessings nga iyang nadawat.

Miguel nagpabukid

Nikatkat si Miguel Tanfelix sa Mt. Nagpatong sa Batangas uban ang iyang barkada. Matud pa niya nga nalingaw gyud siya og maayo sa pagkatkat sa bukid busa wala kaayo siya ka-feel og kapoy.

Nagpahayahay sa Japan

Gipahimuslan ni Daniel Padilla ang Christmas break pinaagi sa pagtikang sa Japan uban iyang pamilya ug mga suod nga higala. Nag-atang ang ubay-ubay niya nga mga proyekto inigbalik niya dinhi sa Pilipinas.

Birthday wish

Karong adlawa ang 30th birthday ni Jake Cuenca ug wish niya mao ang dakong kalampusan sa pelikulang Ang Panday nga gibidahan ni Coco Martin. Nidala si Jake isip Lazardo sa maong pelikula.