Ayaw’g sige’g gukod

Stop chasing people. They will eventually build a road to reach you when they finally need you. Mao ni post nako sa Facebook gahapon. Pinakalit ra man sab ko nga naghunahuna aning mga linyaha. But then, pagka hapon na, I realized and told myself: bitaw no, nganong ipamugos man nato atong kaugalingon sa mga tawo nga wala na makagusto nato? Nganong magsige man gyud ta’g kupot bisa’g sila hagbay ra nga nibuhi? Pakkk!

Bitaw, nganong magsakit man gyud atong buot kun ang ubang tawo kalit lang nga dili na managad na to? Nganong mahasul man gyud ta kun ang atong kanhi higala magmug-ot ug dili managad nato kun atong ikasugat? Ngano uy? Pakkk! Kana kay nibuhis man gud ta og emosyon. Ato silang gihatagan og luna diha sa atong kasing-kasing, maong sakitan gyud ta kun kalit lang ta nga ibalewala bisan og walay igong hinungdan.

Apan kita ra may nagsakit-sakit sa atong buot uroy. Kita ray naghasul-hasul sa atong kaugalingon. Kay ngano man diay og kalit lang ta nga ibalewala sa atong higala? Ako kever gyud ko ana. Kana basta naka siguro ko nga wala ko nakasala niya, nga limpyo akong konsensya. That is because, ang matuod nga panaghigalaay mupatigbabaw gyud bisa’g unsa pa kadako ang hinungdan nganong nausab ang tinagdanay ninyong duha. Ang panahon maoy magbuot, maoy agdon. Inig abot sa tukmang panahon mahibalik ra gyud mo sa naandan ana. Kana, basta muhupas na inyong mga garbo.

Anyway, kato akong post, naa pa toy sumpay sab: Therefore, create and keep polishing your brand. Make your self irresistible--one that people can't live without. They should be the one chasing you, not the other way around.

Ang pasabot ana mao nga, padayon nga palambua ang imong kaugalingon. Sa mga panahon nga gibalewala ka og kalit sa imong higala ug kaila sa walay igong hinungdan, pagkat-on og mga bag-ong butang, dugangi imong kahibawo, paninduta imong resume. Kana aron lig-on na kaayo kang tan-awon ug indemand na kaayo ka, busa katong mga nibalewala nimo maoy maningkamot nga mahaduol nimo pag-usab. Learn something. Polish your potential. Be the best that you can be. That level nga walay choice ang uban kundi ang pagpakigsuod nimo kay dili nila mahimo o makab-ot ang usa ka butang kun dili ikaw ang kauban o mubuhat! Pakkk!

Have a blessed Sunday, dear okRYANians!