Supportive ang barkada
CEBU, Philippines — Nihatag og todo suporta sila si Angelica Panganiban ug Bela Padilla sa pelikulang The Ghost Bride nga gibidahan sa ilang barkada nga si Kim Chiu. Nangampanya sila sa ilang fans nga motan-aw sa maong pelikula nga mosikad na sa mga sinehan karong November 1.
Duna’y padulngan
Gitataw ni Elmo Magalona nga dili pa sila uyab ni Janella Salvador. Matud pa ni Elmo nga ganahan gyud siya nga maabot sa punto nga magkadayon sila niini gumikan sa kabuotan sa aktres.
Daghan og followers
Nagmaya og maayo ang giila nga King of Catwalk sa nasud nga si Sinon Loresca gumikan kay nakaabot na sa kapin sa 1 million followers ang iyang Facebook. “My Facebook Page has Reached ONE MILLION FOLLOWERS maraming salamat po sa walang sawang pag suporta saakin! Kayo po ang inspirasyon ko #facebookpage #sinonloresca #OneMillionFollowers,” suma pa sa iyang Facebook post.
20 ka tuig na!
Gisaulog dili pa lang dugay nila ni Ruby Rodriguez ug sa iyang bana nga si Mark Aquino ang ilang 20th anniversary isip magtiayon. Nagbinawsanay ang duha og sweet messages sa ilang tagsa-tagsa ka mga Instagram account.
Sophie ampingan sa GMA
Gipangandaman sa GMA-7 og mga proyekto nga ilang ihatag ngadto sa ilang bag-ong talent nga si Sophie Albert. Kahinumdoman nga lima ka tuig ang kontrata nga gipirmahan ni Sophie sa maong network. Kanhi talent sa TV 5 si Shophie.
Wala mo-surrender
Wala gyud damha ni Empoy Marquez ang suwerte nga iyang naangkon karon. Giingong bunga kini sa iyang hugot nga paningkamot kaniadto. Kahinumdoman nga makapila na nga higayon nga ni-audition siya sa pipila ka kompetisyon sa telebisyon kaniadto. Duna’y mga higayon nga napildi siya apan wala gyud siya mo-surrender.
Busy ang career
Busy kaayo ang career ni Rachel Alejandro. Ang pelikula niya nga “Ang Larawan” nalakip sa Tokyo International Film Festival. Duna pud siya’y umaabot nga concert didto sa Amerika sunod buwan.
Michelle nanganak na
Nanganak na si Michelle Madrigal sa miaging adlaw alang sa labing unang anak nila sa iyang hinigugma nga si Troy Woofolk. Ginganlan nila kini og Anika Austin. Gihimugso ni Michelle ang maong bata didto sa Texas.
AlDub fans gikilig
Gipakilig og balik nila ni Alden Richards ug Maine Mendoza ang ilang fans sa miaging adlaw. Nag-kiss ang duha atubangan sa kamera busa todo siyagit ang AlDub Nation.
Bonding sa gym
Kung susama ang bakante nila nga oras mag-uban sa gym sila si Jennyln Mercado ug Dennis Trillo. Magsilbi kini nga bonding sa mag-uyab. Nasayran nga nagkalig-on og samot ang ilang relasyon sukad sila nagbalik.
- Latest