Naghikog ang papa ni actor

CEBU, Philippines —  Sa unang higayon,nasinati nako ang pag manyanita sa birthday ni Mama Mary didto sa Simala. Mapasalamaton ko nga nakasakay ko sa service ni madam Gilda Abenido kay nagdala man siya og mga buwak nga para sa ilang karo nga mao ang butangan sa Birhen sa Simala. Pag-abot nako sa lugar, taas na kaayong linya para sa gusto muhalok ni Mama Mary ug sa mga gusto musulod. Niapil ko sa linya pasaka sa simbahan samtang nagpadayun ang misa hangtud naabot ko nga singot kaayo. Kever lang ang show! Pagkahuman sa misa kay gisunod dayon ang manyanita. What a feeling! Mapasalamaton kaayo ko nga ako kining nasinati. Naka emo mode ko oi kay kanang nangayo ko’g giya ug tabang sa akong mga problema. Mao nga hold-on lang gyud ta sa Kahitas-an

KINSA SIYA??? Usa ka young actor nga gwapo, maayo mo sayaw, maayo mo arte ug labaw sa tanan sikat siya karong panahona tungod usab sa iyang ka love team! Maayo pagka partner ang duha... Gani, kining young actor nagsugod sa usa ka reality show sa usa ka network. Pagkahuman sa maong contest, aduna siya'y gihimo nga mga proyekto sa maong network ug kalit kini nahanaw. Nahugyaw ang tanan sa dihang nibalik sa showbiz ang young actor para sa usa ka challenging role. Usa ka teleserye comeback ang nahitabo hangtud nakuha niya ang kasingkasing sa masa! Apan ang Bischika sa atong KSI mahitungod sa young actor kay dugay na diay kini wala sa poder sa iyang manager, meaning lahi na kini og manager. Ang rason kay ang papa sa young actor dili mohatag sa cut o gitawag nga manager's cut sa mga raket sa iyang anak. Hala no??? Kapal mukha ni daddy!!!

* * *

Congratulations ngadto nilang Ellaine ug George Uy sa pag- abli nila sa ilang franchise branch sa Skin911, diha sa second floor, Soho Mall, dalan B. Rodriguez niining dakbayan. Mabulokon ang maong selebrayon. Gisugdan kini og usa ka hugyaw nga motorcade kauban ang mga ambassadors sa SKIN 911. Gisunod ang blessings sa clinic. Pahimusli ang ilang P99.00 basic facial ug mga diskwento sa ilang mga services kutob karung October 15. Gawas nga barato, ang linahi nga treatment niini sa matag kliyente nga makasuway sa ilang services maoy rason kun nganung nagkasaka ang ilang mga kliyente.

Pakpak para kang maam Eleanor Velasco, ang CEO sa Skin 911, kay ika-11 na kadto nga branch ang ilang gibuksan nga naatol sab sa ika-11 na nila ka tuig sa industriya sa pagpagwapa ug pagserbisyo!

Onse na ka tuig ang SKIN911 ug pinaka onse nga branch mao ang SKIN 911 Soho Mall! Hugyaw!!!Nagpamatuod lamang kini nga padayung giila ang Skin911 di lang sa Kabisay-an ug Mindanao kundi lakip na sab sa lukop nasud.