Vice gitubag ni Joey

CEBU, Philippines - Naukyab ang netizens sa latest Instagram post sa “Eat Bulaga” mainstay nga si Joey de Leon nga naghisgot sa kalig-on sa maong noontime show.

Tataw nga dunay koneksyon sa lenggua sa It’’s Showtime host nga si Vice Ganda kinsa nakabuhi og pulong kaniadto nga, “Kung sinasabing ang GMA ay ‘Where you belong,’ ba’t sila naglilipatan?”

Una na nga gibutyag ni Vice nga igo lang siya nagkomedya.

Apan sa post ni Joey sa Instagram, nagkanayon kini, “We don’t care where we belong. Ang iniintindi namin ay TO BE LONG! Or TO BE THE LONGEST! @EatBulaga .” 

Arci giluwas sa buhok

Kalit nga nahilom  ang pagpista sa mga tawo  sa dagway ni Arci Munoz nga nagparetoke gumikan kay laing hulagway  niya ang nikatap nga nagpakita sa bag-ong kolor sa iyang buhok ug nakadawat kini og mga pagdayeg.

Pipila ka netizens ang nikomento nga angayan kaayo si Arci sa iyang bag-ong look.

Nasayran nga busy si Arci sa preparasyon sa umaabot niya nga serye sa ABS- CBN diin makauban niya sila si Piolo Pascual, JC de Vera, Empoy Marquez ug Alessandra de Rossi.

Maja mi-eskwela

Bisan sa ka-busy sa iyang  showbiz career, gisingit gyud ni Maja Salvador ang pagkuha og  English online class. Kon dili siya busy sa taping  sa Wild Flower, kaatubang gyud niya ang iyang laptop.  "Hindi pa naman po katapusan ng lahat. Hindi porke hindi ka confident sa English eh, hindi mo na puwedeng i-try," suma pa ni   Maja.

Wala kauyon

Pipila ka celebrities ang nikondenar  sa  nagpadayon nga drug war killings sa nasud.  Kini  naglangkob nila ni   Enchong Dee, Pokwang, ug  Bianca Gonzalez . Matud pa nila nga kinahanglan pinasubay sa  balaod ang pagpakgang

Star-studded

Gihugopan  sa bagang duot sa katawhan ang concert ni Ariana Grande niadtong Lunes sa gabii sa Mall of Asia Arena. May mga artista sab nga nitan-aw sa maong concert sama nila Nadine Lustre, ug  Andrea Brillantes. Wala usab nagpaulahi  ang anak ni  Presidente Rodrigo Duterte nga si Kitty kinsa nagsul-ob gyud og signature headband ni  Ariana.

Nag-agad sa budget

Giangkon ni  Michela Cazzola nga mahiligon siya og branded nga  mga bag. Kini sama sa Gucci, Prada, YSL, Chanel,  ug Louis Vuitton. Apan wala pa  siya’y Hermes  bag  gumikan kay dili pa makaya sa iyang budget.

Mahiligon sa tanom

Mahiligon si  Aubrey Miles  og mga tanom ug hands –on gyud siya sa pag-atiman niini matag buntag sa ilahang panimalay.    Moabot ngadto sa 45 ka tanom ang iyang giatiman.   "Before I go to the gym, I wake up at 5:30 a.m., I’ll water, wipe, spray them, check the ants for two hours,” saysay pa sa aktres ngadto sa pep.ph.

Sancho nibalhin sa ABS-CBN

Gipasigarbo  ni  Ai Ai delas Alas ang iyang anak nga si  Sancho gumikan kay  hingpit na kini nga nakasulod sa showbiz.  Malakip  si Sancho sa serye ni Coco Martin nga Ang Probinsyano. “Congrats Sanch bebe boy. Break a leg. Galingan mo anak and I am so proud of you. I love you,” mensahe pa ni Ai Ai alang sa iyang anak. Kahinumduman nga nipirma siya og kontrata sa GMA7 sa nilabay nga tuig.

Gladys mitikang sa Dos

Human sa pito ka tuig, nakatikang og balik si Gladys Reyes sa tugkaran sa ABS-CBN. Siya maoy special guest kagahapon sa programang  "Magandang Buhay."   Pipila ka netizens ang nangutana kon mobalik na ba siya sa ABS-CBN.

Inahan ug anak

Human sa kalampusan sa  “The Greatest Love” ,  aduna na pu’y   umaabot nga serye si  Sylvia Sanchez sa  ABS-CBN . Niining higayona,  makauban niya ang iyang anak nga si Arjo Atayde. Malakip usab si Yves Flores sa maong serye . Wala pa gibutyag ang detalye niini.

Marian nabalaka

Ipatangtang ni   Marian Rivera-Dantes ang Twitter account nga nigamit sa iyang pangalan gumikan kay  nadamay siya sa mga gipang-post niini.    Nasayran nga mohatag og mga opinyon sa nagkadaiyang isyu ang maong account. (BANAT NEWS)