Lamia Uy!

Hingaon gyud kay ko dear okRYAnians. Ug sama ninyo, duha ray posibli nakong komentaryo: lami ug walay lami. Hahaha! Pero kon dili ko lamian sa akong gikaon, dili na lang ko mo-comment and dili na ko mo-usab og kaon. Pakkk!

So lately, daghan kay ko’g mga natilawan uy. Ang uban wala ko lami-i maong dili na lang to nato sila hisgutan. Pero akong iklaro ha, dili ko chef uy, dili ko foodie, dili ko food expert, ug pinirito ra gyud ang akong hibaw-an pagluto. Piniritong talong with egg, scrambled eggs with tomatoes and lot of onions, ginisang sardinas, itlog gibutangan og hipon, ug piniritong isda. Kamao sab diay ko muluto og tinuwa ug inun-unong isda, monggos nga gikamunggayan ug syempre, utan bisaya. Pakpak!

Bitaw, ako lang gyung iklaro nga ang posibling lami para nako, walay lami para ninyo. Ug, ang lami ninyo, walay lami nako. Hahaha! Bitaw, last Saturday, nakataak ko og Gas Lamp sa Capitol, Site. Sausage ug Sisig ang gi-order sa akong barkada kay pares sa beer. And I recommend the Sisig! Dili siya lata pagka luto, unya bus-ok og grano iyang karne. Dili sab siya OA ka halang! Lamia uy!

Samtang diha sa Kandingan sa SRP, bet na bet kaayo nako diha ang Monggos nga gikamunggayan. Lawot uy. Dili bahong sunog. And I think it has alugbati pud. Iyang pagkaluto is inato gyud ba, unlike sa uban nakong natilawan nga kon dili sunog, hilaw. Lamia uy!

Diha sa CYMK sa Capitol Compound, ganahan kaayo ko sa Dinuldog nga Kalabasa diha. So humot. Dili OA sa kadaghan og oil. Mura’g gisagulan siya og dahon sa pandan ug tangad. Lamia uy! Gipatilaw sab ko sa tag-iya diha og Kalabasa Cookies as in lamia uy! Tulo ka klase ang cookies nila naay pure kalabasa, naay gibutangan og chocolate bits ug naa puy with cinnamon. Bet na bet nako ang pure kalabasa nga nisamot ka lami nga naabtan og pila ka days usa nako gikaon. I mean, mas lami siya nga nabahaw na.

Meanwhile, hilig man gyud ko og fries. Pwes, lami ang Potato Giants, nga naa diha’s SM nang entrance nga tupad sa jeepney terminal. Nya maki cheese man gyud ko, maoy akong gipa-mix nga flavor. Infairness, lami na siya daan bisan walay dip because it’s very cheesy. Pero musamot siya’g kalami kon  naay dip. And yes, libre na ang dip sa imong potato. Pakpak!

Na hala, kana lang sa akong mga lami. Kay kana sila, sama na nako ka lami! Aww! Pakpak! Have a blessed Sunday, dear okRYANians!