That Game Called Reselling

CEBU, Philippines - Yes! Pasok sa banga nako anang reselling, although wala pa koy semana anang duwaa. Hahaha, it all started when weeks ago nag-upload ko sa akong IG og lumpia nga ubod sa kawayan. Daghan kaayong nangutana asa sila makapalit kay lamian matud pa sila mukaon. So last Wednesday nagdala ko og walo ka putos kay may ni-order man gyud. After nakatilaw ang mga tag-iya sa walo ka putos, gilamian sila.

 Pilay istorya, pagkasunod ugma nagbitbit nako og 67 packs, ug last Friday 50 packs. Unya, nag-upload sab ko’g haplas, daghan sab ang nangutana asa makapalit, so namaligya na lang sab ko. Mao nay sinugdanan nganong napasok sa banga akong beauty aning gitawag nila og reseller or reselling. Hangtud nga naa nay mga lain pang products nga akong tilawan ug suwayan kay ako sang i-resell. So reseller na gyud ko!

Lingaw baya gyud. Nindot sab siya kay wala tay capital ipagawas. Patungan lang og gamay ang reseller price aron naa nakay imoha sab. Nagtuo baya ko sa una og dili ko mahalinan. Like ma-amaze ko magtan-aw sa akong facebook friends nga sige og upload og mga baligya unya daghan kaayo mu-inquire. Wala damha, I’m one of them na! Pakpak!

And bisa’g bag-o pako, naa nakoy mga bulawanong pagtulun-an nga napupo dayon. Una mao nga kon reseller ka, magdaginot gyud ka og maayo. Like dili nimo igsapayan nga init kaayo, ug magbaktas gyud ka kon makaya ra kay pila raman intawoy imong ginansya sa imong baligya. Second, bisa’g naa nakay gamay nga kuwarta agig ginansya, you will learn to value the little amount that you have by discouraging yourself from buying those which are not necessities.  Also, bisa’g naa nakoy pangtaxi, I chose to walk padung sa sakayan og jeep, bisa’g kapoy na ug katugon na ko, knowing nga ang akong pangtaxi magamit na nako pagbayad sa akong bills. Third, COD is the name of the game or, “cash on delivery,” labi na in my case nga ginagmay ra man sab gyud ning lumpia ug haplas uy. I mean ang supplier nagsalig sab sa akong ibayad niya inig ka hapon aron naa siya’y ikalikwa ba or ikakompra na sab.

Karon mas naka-appreciate nako sa akong mga online friends nga resellers kay bisan I’m new in the game, nakasabot ko nga grabeng paningkamot gyud ang ibubo gikan sa pag-sales talk, pag-deliver (meet-up), hangtud na nga madawat nimo ang bayad bugti sa kahago. Maong ako kon mupalit sab ko sa ubang resellers dili gyud ko mukomedya og hangyo uy kay I know gamay ra man gyud atong ginansya kon kuwentahon ang kahago nga atong gibubo sa matag produkto nga nahalin.

So yes, I’m a reseller now, and loving it. Open sab ko to resell more products sab kon naa moy salig nako nga mubayad ko inig ka halin na sa produkto nga inyong gipabaligya nako. But priority gyud nako ang produkto that promotes healthy lifestyle, products nga konektado sa akong paningkamot now nga mag-healthy living. And yes, kinahanglang tilawan ug suwayan nako daan so I can effectively sell it! Pakpak!

I-follow ko sa FB please: Ryan Pios Mark, or sa IG: takeonepresents