Juanita In A Dozen

Name: Juanita Romualdez

Nickname :  Chicay

Age: 21

Date of Birth: December 30, 1995

Place of Birth: Cebu City

Favorite Singers: Regina Spektor/Alanis Morisette

Favorite Song: Hand in My Pocket

Course: AB LingLit

Status: Single

Produced singles: We'll Never Know and  Inday

Fast talk:

BNH: Sarah Geronimo or Sharon Cuneta?

Juanita: Sarah

BNH: Vice Ganda or Tekla?

Juanita: Vice

BNH: Chocolate or Flower?

Juanita: Chocolate

BNH: Nude or Neon?

Juanita: Nude

BNH: Guitar or Piano?

Juanita: Guitar

BNH: Macho or Gwapo?

Juanita: Gwapo

BNH: Beach or Pool?

Juanita: Beach

BNH: Facial or massage?

Juanita: Massage

BNH: Gown or cocktail?

Juanita: I pick jeans! Joke gown nalang!

Di ikalimod nga sa kasamtangang panahon, ubay ubay na nga mga Sugbuanon nga mang-aawit ang misidlak .

Silang tanan adunay tagsa tagsa ka mga istorya nga kakutluan og leksyon sa pagsugod nila sa maong industriya.

Didto sa kauluhan, usa ang mga Sugbuanon nga ilang gikonsiderar nga labing lig-ong mang-aawit  panahon sa mga nagkadaiyang kompetisyon sa telebisyon.

Gani daghan na sab ang mga talentong Sugbuanon ang padayong mikulit og kaugalingon nilang pangalan sa musika.

Ang maong kalambuan nabantayan sa usa sa mga tinamod nga Music and Film Company sa nasud nga VIVA COMMUNICATIONS Inc. hinungdan nga nagbukas sila'g oportunidad sa paghupot og kaugalingun nilang Cebuano talents arun sa ingun mas mapalambo pa ang talentong Sugbuanon.

Naila ang Viva isip power house sa mga nag-unang s ingers karon sa nasud.

Busa mao na lamang ang dakong kalipay ni Juanita Romualdez nga nalakip siya sa gihuptan karon nga talent sa Viva.

Si Juanita o kun mas nailhan isip Chingkay sa mga suod niyang higala, usa ka mang-aawit ug composer.

Duna na siyay na-produce nga duha ka awit  ug usa na niini ang padayong nagsaba saba karon sa music scene sa Sugbo nga "Inday."

Ang awit nga Inday giingong "very patok" sa mga millennials karon sanglit nagtuki man kini sa istorya sa usa ka babaye nga kanunay'ng nagpapansin sa usa ka lalaki apan perme sab kining madedma.

"Clever" maoy paghulagway sa mga tawong makadungog sa maong awit ug matud pa sa uban kanila, maka " L. S. S. " (Last Song Syndrome) ang maong kanta hinungdan nga daghan gyud ang nalingaw niini.

Sama sa kadaghanan, bata pa lang, hilig na ni Juanita ang pag-awit.

Usa sa nakaimpluwensya kaniya mao ang iyang pamilya nga mga "musically inclined" kansang silang tanan matud pa makahibawo'ng mutugtog og mga nagkadaiyang musical instruments.

"Bata pa ko sige jud mi karaoke. Mga five years old ko dad-on ko sa akong pamilya sa karaoke bar unya makatulog na lang ko'g hinuwat nila. Pati sa Danilo lines sa una kanang tig-ulian mi'g Negros maghulog singko mi para karaoke. Pag dako-dako na nako, tig-apilan na ko sa mga tukar sa akong kuya ug iyang banda. Didto na dayon nagsugod ang tanan."

Dugang pagpaambit ni Juanita, malipayon siya karon ug mapasalamaton sa Viva sa paghatag niya'g dakong kahigayunan nga malakip sa usa sa labing dakong artist center sa nasud.

Apan labaw pa sa tanang naangkong kalambuan sa kinabuhi ni Juanita, dako ang iyang pagpasalamat sa Labaw'ng Makagagahom.

Gani, nahimo siyang usa sa mga miyembro sa Tabor Hill College Choir ug didto niya nakat-onan ang pagpahinungod niya sa iyang talento sa Kahitas-an.

"To God be the glory! This is a quote from Johan Sebastian Bach. I always offer my music to Him. Gikan man ni niya ang akong talento, sakto ra sad nga i-offer pud nako alang kaniya."

Gipanghambog sab ni Juanita nga niadtung tuig 2013 nahimo silang mananaug sa usa ka International Choir Competition nga ilang gisalmutan ug gikonsiderar kini niyang labing nindot nga experience isip usa ka mang -aawit.

Apan gawas sa iyang pagka-singer, ania ang pipila sa mga butang nga wa pa nasayri sa kadaghanan ug sa mga suod nga higala ni Inday Juanita mahitungod kaniya. (BANAT NEWS)