Abtik mangayo’g downpayment

BisChika nga Domingo mga KaBisChika! I believe in the power of prayers kay sa niaging semana may mga pagsuway ko nga giatubang. Usa ka hagit nga feeling nako wala ko'y pwede mapangayuan og tabang kundili si Lord lang. Mao nga I prayed, prayed and prayed. Para nako it’s a miracle nga wala ko magdahum masulbad siya ug akong gipangayo iyang gihatag. Mao nga kun may pinagdadaanan ka karun... Just Pray, and believe the amazing work of God! Amen!

Naguol ang tibuok showbiz industy sa kamatayon sa usa ka banggiitan nga direktor kay daghan pa kaayo kining pelikula nga mabuhat ug labaw sa tanan maghatag og garbo sa nasod kay award- winning kini siya nga direktor. Pero naHugyaw ko sa atong Kinsa Siya Insider nga kalit lang ni BisChika nako nga ang maong direktor kay naHugyaw sa kanhi aktres nga iyang nakatrabaho sa dugay nga panahon, sukad nahibalik na ang aktres sa nasod kay medyo naka atubang na kini og financial problem. Ang BisChika pa sa atong Kinsa Siya Insider ang kining nipanaw na nga direktor kay perming maHugyaw sa aktres kay sa dili pa mo roll ang camera si aktres kay magsugod na og pangayo og downpayment mao nga ang lending, wala pa nahuman og shoot, nakautang na ang aktres sa production! PagkaHugyaw naman lang gyud! Kinsa siya kining aktres nga maHugyawan sa nipanaw na nga direktor?Kinsa pa? Usa ka bitoon nga nagkidlap kidlap gyud! Ang nipanaw nga direktor? Headline na siya karun...

Sa laing bahin, usa napud ka malampusong activity nga gihimo sa Kapuso Foundation, ang Unang Hakbang para sa Kinabukasan ug mapasalamaton ko nga akong oras nagtakdo sa maong activity. Kauban nako ang GMA Kapuso Foundation Regional Coordinator nga si Ms. Amabelle Russian ug si Ademar  Ochotorena sa Balitang Bisdak, among gitikang ang isla sa Olango Island aron makaabot sa Poo Elementary School. Mawagtang gyud ang imong kakapuy kun imong maabtan ang mga pupils nga naghuwat kanimo nga adunay mga pahiyom. Dunay gamay nga program ang giandam, napasubo  gyud ko kay ang Butanding dance nihataw ang mga chikiting! Nakabatun ang mga bata og school bag nga adunay sulod nga mga five  ka notebook, duha ka pad, duha ka lapis , sharpener ug crayola. Usa sa mga nagpasalamat nga dunay bitbit nga  cartolina ug nakasuwat “ Daghang Salamat Kapuso. “Dako kaayo kining tabang sa ilaha.

Nibisita ang casts sa Impostora gahapon sa South Town Centre nga silang Sinon Loresca, Rafael Rosell ug Kris Bernal. Daghang salamat sa inyong dakong suporta, kapuso! Ayaw ninyo sipyata sa GMA Afternoon Prime .. IMPOSTORA. And speaking of stars, karung June 3 atong sugdan ang atong weekend nga pa chill–chill and enjoy enjoy lang kauban ang casts sa Legally Blind! Moari gyud sila sa Cebu para magpasalamat sa nisuporta sa ilang salida. Duha ka malls ang ilang bisitahon, una kay ang Gaisano Capital South alas tres (3) sa hapon unya sa atong mga Kapuso diha sa Lapu-Lapu naa sila sa Gaisano Island Mall Mactan alas  sais (6) sa gabii. Mao nga kita kits kauban silang Laureen Young, RodJun Cruz, Mikael Daez ug si Janine Gutierrez.