Gi-unfollow sa Ig
CEBU, Philippines - Gi-unfollow ni Vickie Rushton sa Instagram ang iyang boyfriend nga si Jason Abalos human miulbo ang alegasyon nga nagbinastos kini og 18 anyos. Wala pa mitingog si Vickie mahitungod sa isyu apan tataw nga apektado kini sa maong isyu.
Dili pa andam
Hugtanong gipadayag ni Eugene Domingo nga dili pa gyud siya andam nga makabaton og anak bisan og 45 anyos na siya. Matud pa niya nga dako kaayo kini og responsibidad ug wala pa sa iyang hunahuna ang moatiman og bata.
Arci natagak na
Emosyonal si Arci Muñoz human siya nataktak sa show nga I Can Do That niadtong Domingo. Si Arci maoy nakakuha sa labing ubos nga porsiyento gikan sa botasyon sa mga tawo. Mapasalamaton si Arci tungod sa kahigayunan nga malakip sa maong show ug makakita og bag-ong suod nga mga higala. “May sarili talaga akong mundo. Pero dito sa 'I Can Do That,' ipinaramdam nila sa akin na I belong. And siyempre, I'm going to miss them all, all of them”, suma pa ni Arci.
Mokanta gyud
Palahi gyud ang tirada sa manghod ni Julia Barreto nga si Claudia Barreto. Matud pa niya nga wala gyud niya masuwayi ang moarte atubangan sa camera gumikan kay gusto gyud niya nga molahutay ang iyang singing career. Tsika pa niya nga mas sayon pa ang mokanta kaysa mo-arte.
Gusto og twins
Gusto ni Maxine Magalona nga makabaton puhon og twins. Matud pa niya nga adunay kaluha ang iyang fiancé nga si Rob Mananquil ug dili usab layo ang posibilidad nga mapadayon nila ang henerasyon nga makabaton og kaluhang anak.
Wala’y project
Gimingaw na nga moarte atubangan sa kamera ang Kapamilya star nga si Marlo Mortel. Duha ka tuig na ang milabay sukad sa iyang katapusang serye kauban si Janella Salvador. Naghuwat na lang si Mortel karon sa mga tanyag nga idalit sa management ngadto kaniya.
Gi-bash gihapon
Giangkon ni Jed Madela nga naapektaran siya og maayo sa wala'y hunong nga pang-bash sa mga tawo ngadto kaniya. Nadismaya usab siya gumikan kay apilon usab og intriga ang iyang mga suod nga higala ilabi na si Darren Espanto. Wala siya magdahom nga sobra na kamalisyoso ang mga tawo karong panahona.
Pinangga ang mga tiguwang
Gipadayag ni Coco Martin nga duol gyud sa iyang kasingkasing ang mga senior citizens gumikan kay nagtubo siya sa iyang apohan. “Kung nasan man ako ngayon, ang lola ko ang naghubog sa akin. Kaya sabi ko parang pag nakakakita talaga ako ng lolo at lola nahahabag ako. Kung mapapansin niyo sa lahat ng soap opera ko ang leading lady ko lola”, suma pa ni Coco.
Balik-trabaho
Human sa kontrobersyal nga bakasyon ni Megastar Sharon Cuneta didto sa US, hingpit na nga mibalik sa trabaho ang aktres ug nagsugod na usab siya pag-shoot sa iyang umaabot nga indie film nga “Ang Pamilyang Hindi Lumuluha”. Makauban niya sa maong pelikula si Moimoi Marcampo.
Just Yve swimwear
Gibuksan na ang dream business ni Sheena Halili nga mao ang pagpamaligya og swimsuit. Matud pa niya nga damgo gyud niya ang makaangkon og kaugalingong brand sa swimsuit. Gipanganlan kini ni Sheena og Just Yve Swimwear. Si Sheena ang model sa iyang mga baligya kun diin makita kini sa iyang gibuhat nga account sa Instagram nga @justyveswimwear. (BANAT NEWS)
- Latest