Netizen gipalaw ni Jasmine
CEBU, Philippines - Wala palabya ni Jasmine Curtis-Smith ang komento sa usa niya ka follower sa Instagram kalabot sa iyang blurred picture nga iyang gi-post.
Sa maong post, naka-two-piece swimsuit ang Kapatid star apan gi- blurred ang doul nga bahin sa iyang sampot.
Kasamtangang nagbakasyon si Jasmine sa Surigao del Norte uban sa iyang boyfriend nga si Jeff Ortega.
Pipila ka netizens ang nangutana kun nganong blurred ang maong hulagway.
Duna’y usa niya ka follower ang nikomento nga basin gituyo kini ni Jasmine aron dili makita ang iyang “stretch marks.”
Ang IG user nga si @glenda_julian maoy nagkomento niini apan dali ra usab niya kini nga gipapas.
Nabasahan gihapon kini ni Jasmine ug nitubag siya og “@glenda_julian i dont mind my strechmarks. They are part of who I am. No need for me to cover them up!”.
Dali nga nangayo og sorry ang maong netizen ug nitataw nga wala siya’y intensyon nga insultohon ang aktres.
“Yep that's why I said BAKA miss @jascurtissmith .. at maganda parin naman kahit meron, kasi ako meron din nian. And like you I don't mind to cover them. I don't have any intensions to insult or what. I am just sharing thoughts kung bakit nakablur. Maybe dahil sa tubig or un nga. Pls don't get mad I am one of your fan. ???? sorry kung naoffend kau sa comment ko…,” tubag pa sa follower ni Jasmine.
Nganong nauyonan si Jessy ni Ate V?
Gibutyag ni Vilma Santos nga ang pagka-natural ni Jessy Mendiola maoy usa sa mga rason kun nganong nakauyon siya sa aktres kinsa boyfriend sa iyang anak nga si Luis Manzano.
“Ang nagugustuhan ko lang talaga sa kanya is, what you see is what you get.Hindi siya yung magpi-pretend na napaka-prim and proper, na laging maayos magsalita,” saysay pa ni Ate V ngadto sa PEP.ph.
Matud pa ni Vilma nga kanunay ra gyud siya nga mosuporta sa mga butang nga ikalipay sa iyang anak.
Nawong ni Coleen gikawras
Gipaambit sa aktres nga si Coleen Garcia ang usa ka road rage incident nga iyang nasugatan sa Global City, sa miaging gabii kun diin nakaangkon siya og samad sa iyang nawong gumikan sa engkuwentro nila sa usa ka tawo nga matud pa usa ka kanhi polis.
Sa Facebook post ni Coleen, duna’y lalaki nga matud pa kalit lang nga nibabag sa atubangan sa iyang sakyanan.
“I just had a very stressful encounter with a lunatic here in BGC. He stopped right in front of our car, so my driver stopped right away at nadikitan namin siya (no damages at all btw, we barely even touched his car).
Matud pa nga nisinggit ang maong lalaki og 'PULIS AKO!!!' apan pabiling kalmado ang drayber ni Coleen niadtong higayona.
Sa dihang nipatim-aw si Coleen, kalit lang siya giatake sa maong lalaki ug gikawras ang iyang nawong.
“As in he reached both his hands out and scratched my face, trying to grab me and pull me out so that he could beat me up, too! With absolutely no hesitation,” dugang pa sa aktres.
Maayo na lang gani nga dali niya nga nasira ang pultahan sa iyang sakyanan apan padayon sila nga giaway sa maong lalaki.
Nasagmuyo si Coleen gumikan kay wala gyud motabang kaniya ang mga nangabot nga polis.
“They did nothing, except ask if I wanted to continue ironing things out in the station.Guys, seryoso, sawa na ako sa police station. Please lang. So I opted to drop it instead, but not after taking photos of his plate number and his ID,” matud pa niya. (BANAT NEWS)
- Latest