Jason nagbinastos sa 18 anyos?

CEBU, Philippines - Nagplano ang pamilya sa usa ka Grade 12 student nga si Luise Ramiscal nga mopasaka og reklamo batok kang Jason Abalos.

Ang maong 18 anyos nga babaye nipasangil sa aktor nga matud pa nagbinastos pag-ayo kaniya pinaagi sa Facebook chat ug sa text message.

Naggikan si Luise sa San Jose, Nueva Ecija nga mao pud ang probinsya ni Jason.

Matud pa sa dalaga nga nakugang siya sa gipangbuhat ni Jason ug bastos kaayo kini kun mopadala kini og mensahe kaniya ug ganahan usab kini makig- video call..

Kusog usab kaayo kini manghagad og sex kaniya ug nabastos siya niini. Gi-screenshot sa higala ni Luise  ang video call nila ni Jason.

Matud pa sa maong tinun-an nga wala siya mopatol sa pagbinastos ni Jason ug dili usab siya intresado makig-communicate niini gumikan kay nasayod siya nga naa na kini uyab. Ang kanhi Pinoy Big Brother housemate nga si Vickie Rushton maoy kasamtangang uyab ni Jason.

Sa pakighinabi ni Luise ngadto sa pep.ph, nilenggua kini nga nagka-istoryahanay na sila sa uyab ni Jason nga si Vickie ug nagdumili kini sa paghatag og detalye sa ilang giistoryahan.

Kahinumdoman nga nalambigit si Jason kaniadto sa usa ka video scandal niadtong 2015.

Sa pagsuwat niining balitaa, wala pa mohatag si Jason og katin-awan sa maong isyu.

Duna’y pipila ka netizens ang nilenggua nga posibleng susama ra og nawong ni Jason ang lalaki nga ka-chat ni Luise.