Let’s go Brown!

Hugyaw nga BisChika mga KaBisChikadora!  Kumusta na ang inyong mga panglawas karun? Ang inyong Yur’s truly gikan nga nag-diet pagka upat ka adlaw nasakit, nikaon balik og rice unya naayo, pagkahuman giubo. Ang ending gipagaw. Siguro medyo dali ko nagkasakit kay dili na kaayo ko mo habhab og rice? Hahhahahaha! Kay kini laging wala’y pakialam Eat all you can ang peg pero kalit ko nag-back to Alindog Program ( slight lang), katong nagpa picture ko ni Alden Richards pag-ari niya sa Cebu. Diha nako nakita nga wala nakoy liog gitabunan na sa akong tambok hahahhaha! Pero sa pagkakaron hinay hinay ko og kaon ug rice. Ang one cup kay half cup na lang. Mao nga ang drama kay #TheStruggleIsReal.

Pero ang akong amiga nga si Florelin Orozco sa Department of Agriculture Region 7 kay nihatag nako og advise pinaagi sa pagkaon og brown rice. Korekek! Instead sa white rice nga permi natong kan-on ang best nga alternative kay ang brown rice.  Nganong lami kan -on ang brown rice? 

Una – Maayo kini sa atong panglawas -daghan kini og protein, fiber, vitamins, minerals ug antioxidants ikumpara sa puti nga bugas. 

Ikaduha – Maayo para sa atong nasod – makatabang kita sa self sufficiency tungod sa 10% milling recovery. 

Ikatulo – Maayo para sa atong mga magsasaka – sa pagpalit og brown rice makatabang ka sa atong mga farmers ug para motaas ang ilang income 

Ikaupat – Makatabang sa mga kabos natong mga kaigsoonan – kay sa matag hashtag, ang Department of Agriculture kay makapakaon og usa ka Pilipino nga nagkinahanglan sa atong tabang pinaagi sa charities. 

Mao karun pa lang magsugod nata og kaon ug brown rice. Daghang mga celebrities ang nisuporta niini ug ang usa sa mga dugay na nga ni suporta kay si Mikael Daez.  Sa pagkakaron ang tibuok Department of Agriculture nag-awhag kanatong tanan nga atong dawaton ang challenge ang BROWN4good Challenge nga matapos na karung October 31, 2016 ( hala noh? Birthday gyud nako!  Hahahhaha! )

Mao ni ang Challenge :

1. Pag-order og brown rice sa inyong paboritong kan-anan o magluto ka sa balay.

2. Pa-picture sa imong brown rice meal (murag ga selfie ) unya e-post sa inyong Facebook, Instagram ug Twitter accounts

3. Butangan nimo og caption nga #BROWN4good (space) #region7. Ang imong post kay equivalent to 100 grams or usa ka cup nga brown rice nga ihatag o will be donated sa charities. Ang Region 7 nagkinahanglan og 50,000 hashtags.

4. E –challenge ang imong family and friends nga ila kining buhaton ug ila gi-accept ang challenge, capture a photo of you ug ang imong brown rice meal matag kaon nimo. The more photos nga imong e-post, the more ang imong ma-donate sa charities. Make it sure lang nga naa sa Public ang imong setting.