Magtingog ra
CEBU, Philippines - Gibutyag ni Jennylyn Mercado nga magtagad ra gihapon sila sa iyang ex-boyfriend nga si Luis Manzano , gani nag-uban sila sa usa ka product endorsement. Bisan duna sila’y kagahapon, gipabilin sa duha ang ilang panaghigalaay.
Panawagan
Dili makatubag si Eugene Domingo sa panawagan sa iyang fans nga ibalik ang iyang show nga Celebrity Bluff. Suma pa sa komedyanteng aktres nga mag-agad ra siya sa management sa GMA-.
Wanted leading man
Wala pa makakita ang GMA-7 og aktor nga ihulip kang Alden Richards isip leading man ni Jennylyn Mercado sa remake sa My Love From the Stars. Mao kini ang rason nga dili pa matino kung kanus-a masugdan ang maong proyekto.
Gukdon gyud
Mohimo matud pa og lapad nga surveillance ang Philippine Drug Enforcement Agency (PDEA) batok sa pipila ka showbiz personalities nga nakuha sa CCTV footage nga nitikang sa condo unit sa tawo nga nasakmitan og party drugs sa Mandaluyong City.
Devon emosyonal
Nakahilak si Devon Seron sa pagpirma niya og kontrata sa Regal Films. Malipayon si Devon sa naabtan sa iyang career karon. Matud pa nagsagunson gyud ang iyang mga proyekto karong panahona.
Luis nagpa-drug test
Nagpa-drug test si Luis Manzano sa Philippine National Police headquarter kagahapon ug negatibo ang resulta niini . Gusto lang ni Luis nga suportahan ang kampanya sa gobiyerno batok sa ginadiling drugas.
Inspirasyon ni Angel
Giangkon ni Angel Aquino nga duna siya’y Iranian engineer boyfriend nga ginganlan og Farzad. Nagkaila ang duha sa Boracay sa miaging tuig.
James isip Pedro Penduko?
Nitumaw karon ang report nga usa si James Reid sa mga gikonsiderar aron modala sa millennial version sa Pinoy superhero nga si Pedro Penduko. Dili pa kahatag og komento si James gumikan kay wala siya’y ideya niini.
Aiza sa Mowelfund
Human natudlo isip chairperson sa National Youth Commission of the Philippines, natuboy usab si Aiza Seguerra isip bag-ong board director sa Movie Workers Welfare Foundation o Mowelfund. Nasurprisa si Aiza sa maong appointment.
Ikaduhang bata giplanohan
Gusto sa magtiayong Dingdong Avanzado ug Jessa Zaragoza nga makabaton og ikaduha nga anak. Panghinaot sa duha nga mahitabo kini sunod tuig. Adunay 13 anyos nga anak ang magtiayon nga ginganlan og Jayda. (BANAT NEWS)
- Latest