“Attitude Problem!”

Kinsa man? Hahaha ikaw! Bitaw, char lang gud. Today, let’s talk about nagkadaiyang sitwasyon nga makaingon ta’g ka mga gara ba gyud aning ubang tawo uy. Hambugero, kuwang sa atensyon ug abusado. Kay ngano man? Kay naay attitude problem! Hahahaha! Pakkk!

Niadtong Huwebes sa udto padung sa opisina, samtang naglakaw sa eskina, may naagian ko nga lalaki nga nangasaba og makililimos. Nagyawyaw siya  nganong nibutho na sab didto ang makililimos. Ingon siya, “nganong nia naman sab ka dinhi?” Naa pa to siyay gipangyawyaw nga pangasaba gyud pero wala nako naminaw kay nipadayon na ko paglakaw kay init intawon kaayo. Pero samtang naglakaw nakapangutana ko sa akong kaugalingon: kinahanglan gyud ingon atuon ang makililimos? Pakkk!

Pagka gabii, samtang nag-browse ko sa akong FB newsfeed nakabasa ko og post sa usa ka inahan nga dismayado ang tono. Kay niya pa, sakit palandungon nga ang binuhat nga gidala niya sa iyang sabakan, gipangga ug giamuma, karon nga dako na musukol na matud pa niya ug dili na mubati niya. Nakapangutana na sab ko: kinahanglan gyud i-post sa facebook? Pakkk!

Adtong Biyernes sa udto samtang naniudto ko sa carenderia, nagbagutbot ang tag-iya kay iyang katabang nagsige og computer, iyang gisugo nga ipa-display na ilang mga baligya sab nga ukay-ukay, igo ra nga nitubag og: O lagi, te. Nakadungog lagi ko, te. Nakapangutana na sab ko: Mas hawod pa diay ang katabang kaysa amo karong panahona? Pakkk!

Mga attitude problem! Kinsa man? Sure ko dili ikaw kay nagbasa man ka og okRYAN! Hahaha! Bitaw, attitude problem to ang laki nga nangasaba og makililimos. Ang akoa lang ba, ikaw man gyud magbuot muhatag ba ka or dili. So kun dili ka, balibari. Kun muhatag ka hatag na dayon kay kun magyawyaw pa ka usa muhatag pagpalabi-labi na nang imoha. Kun dili ka ganahan muhatag unya magyawyaw pa gyud ka, mapahitas-on na ka anang kalakiha!

Kinsa may naay attitude problem ang inahan nga nagpost or ang anak nga nagpabadlong maong nagpost ang mama? Silang duha! Ngano man? Attitude problem ang anak kay nisukol-sukol sa iyang mama, walay kaikog, walay batasan. Pero kinsa manang sala? Posibling sa mama ra sab kay wala madisiplina ang anak. Pero puhon na ta maghisgot ana kay lain na pud na nga topic. Hahaha! Attitude problem sab ang mama kay nganong nagpost-post pa gyud, gibandilyo na hinuon niya ang pribadong mga detalye sa ilang pamilya nga walay labot ang lungsod. Awww! 

Pero winner sa ka attitude problem ang katabang uy nga dili dayon mutuman sa sugo sa amo. Nganong nangamo man ka ganahan ra man diay mag-computer? Wala sab gyud tawon hunahunaa aning ubang tawo intawon, magsige og pangita og trabaho unya kun naa nay trabaho abusado! Maypa’g magdayok og tambasakan anang kalakiha! Pakkk!