Inanay nang miladlad

CEBU, Philippines - Giangkon sa  kanhi produkto sa StarStruck nga si  Prince Stefan nga duna’y tawo nga naghatag kaniya og kalipay karong  panahona.

Kini mao ang iyang higala nga si Paolo Amores apan iyang giklaro nga dili pa sila uyab niini sanglit nag-ilhanay pa sila sa usa’g-usa.

“We're not there yet. Getting to know stage, or adjusting period pa kami.Happy lang kami together. We're enjoying the moment,” tsika pa niya ngadto sa PEP.

Sukad pa kaniadto, wala gyud   gitubag  ni Prince ang isyu kalabot sa tinud-anay niya nga pagkatawo  apan tataw nga gipakita niya kini pinaagi sa iyang mga lihok.

Matud pa niya nga malipayon siya kang Paolo  ug nagsagunson ang pag-post niya og mga hulagway nila sa Instagram.

 “Matagal na kaming friends ni Paolo.Lagi kaming nag-uusap via Messenger. We are always updating each other kahit nasa SG siya. Pero mas nakilala ko siya noong Hong Kong trip namin. Doon na kami nag-bond. Medyo nagka-developan na. Basta happy lang kaming dalawa,” dugang pa ni Prince.

Andam na si Prince sa lenggua sa iyang bashers ug kever lang siya niini gumikan kay palabihon gyud niya ang iyang kalipay.

“What's important is that I'm happy at pati na rin ang tao sa paligid ko, appreciate the people who are happy for me. Sila yung tunay na nakakaintindi sa akin. I know that there will be people who will judge me. Sanay na ako sa kanila, e.

Hindi na ako apektado sa mga sinasabi nila sa akin. Pero thank you na rin sa kanila kasi sila ang mas magpapalakas ng loob ko. Sabi nga nila, kung saan ka magiging maligaya, doon ka. At tama ang pinili kong buhay,” saysay pa niya.

Wala makaantos sa LDR?

Gidungog nga  nagbuwag na sila si  Lady Gaga ug   sa iyang hinigugma nga si  Taylor Kinney .

Nagkasinabot matud pa ang duha nga himoong pribado ang ilang breakup busa wala gyud sila mohatag og komento kalabot niini. Apan duna’y  nitumaw nga tsika nga ang istado nila nga   “long distance relationship”  maoy rason sa ilang breakup.

Dugang pa nga usahay ra nga magkita ang duha gumikan kay susama  sila nga busy.

Kahinumdoman nga engaged na ang duha sukad sa miaging tuig busa nakugang pag-ayo ang ilang fans sa  maong balita.

MMK gipangandoy ni Ryan

Target ni Ryan Bang nga mahimong dramatic actor  busa  ganahan siya nga i- feature sa  Maalaala Mo Kaya (MMK) ang iyang kinabuhi  ug siya mismo ang modala.

“Alam nila ang istorya ko kaya someday, gusto ko rin mag-MMK, isa yon sa pangarap ko. Pero siguro after 10 years pa yon, pag pumayag si Ma’am Charo (Santos),”  tsika pa ni Ryan ngadto sa Push.com.ph.

Matud pa sa aktor nga nagka-mature na siya ug andam na gyud siya nga ipaambit ang istorya sa iyang kinabuhi.

 “Pero ngayong matured na ako, handa na po akong i-share ang aking story sa lahat ng Filipino. Yung lahat ng pinagdaanan ko, kung gaano ako… kasi halos lahat ng Pilipino akala nila masaya lang ako, masarap buhay ko, pero madami rin po akong pinagdaanan. Saka minsan nakakalimutan nila ako ay isang Koreano,” dugang pa niya.

Kung maghisgot og drama, si Piolo Pascual maoy iyang giidolo niini.

Giangkon usab ni Ryan nga dugay na niya nga crush si Angelica Panganiban nga kauban niya sa  Banana Sundae.

“May malisya lang talaga ako kay Ate Angelica Panganiban. Ruby pa lang patay na patay na ako kay Ate Angelica,” matud pa niya. (BANAT NEWS)