Cebuana singer nga sikat sa Manila, attitude?

Hugyaw nga BisChika mga SKB! Pila na lang ka adlaw kay back to school na! Sa mga estudyante eskwela gyud mo og tarung intawon kay si Mama ug Papa naningkamot para makahatag og balon ninyo sa eskwelahan. BisChika sa  estudyante, si Mam Amabelle Rusiana sa GMA Kapuso Foundation Cebu giimbitar ko nga mo-assist para sa Unang Hakbang para sa Kinabukasan 2016. Ako mga SKB kun aduna koy oras ug panahon dili gyud ko mobalibad. Mao nga on the go ang akong beauty ug didto mi nanghatag sa Santa Rosa Elementary School, isla kini sa Lapu-Lapu. Sayo pa lang sa buntag sakay sa bangka gilabang namo ang isla, unang higayon kini namo ni Mam Amabelle ug nakaingon mi nga nindot ang maong isla, limpyo ang palibot unya tin-aw usab ang dagat. Nakasakay man namo ang hepe sa maong isla nga si PSI Villacampa, gisugat siya og patrol car, nakisakay na lang pud mi ug didto mi gihatod sa ilang gym. Didto nagpaabot ang mga teachers ug estudyante nga dunay bitbit nga flaglets ug giwagayway. Dunay gamay nga programa nga giandam para sa tanan ug naHirit pa nako og pasayaw ang mga bata ug mga ginikanan sa akong Butanding Dance. Giapud-apud ang school bag nga dunay sulod nga notebooks, lapis, tahal ug crayons. Malipayon kaayo sila nga  nagbitbit niini pagpanguli nila. Programa kini sa GMAKF nga manghatag og school supplies sa mga Kindergarten ug mo grade one karung June.

Pagkahuman sa distribution giimbitar kami og paniudto.Nakaingon ko og hugyaw kay didto mi sa floating restaurant nga naa sa tunga-tungang bahin sa dagat ang “ Flotante Restaurant “ diin mosakay pa ka og gitawag nila nga “ bote .”  Ang nakaHugyaw kay presko ang hangin plus pwede ka mamili sa isda nga naglangoy langoy pa nga inyong kan-on. Ug gusto ka mag kayaking pwede kaayo unya pasok sa banga ang overnight kay naa rooms sa taas nga bahin sa maong restaurant. O, di ba Hugyaw!

 Para sa atong Kinsa Siya mahitungod sa usa ka local singer nga aduna nay pangalan sa Manila. Pero ang problema kay sa dihang gikuha siya og raket diri sa Cebu naHugyaw ang direktor sa event kay si local singer nagnilabad.

Yes, nagnilabad siya o diva na pud ang atong tawag niya? Niulbo ang kaspa sa local singer na kay wala kini nag-blocking para sa event kay pagpangita sa Director didto kini sa iyang kwarto. Dili pud siya gusto mogawas para mokaon, ang iyang gusto room service lang. Well, walay problema sa room service kun feel sa local singer nga nagManila na nga gikapuy mokaon sa restaurant, pero ang dili mo blocking murag wait it’s another story. Confident siya sa iyang pagka singer pero hunahunaon unta sa local singer nga nagManila na nga kun kinahanglan makit-an iyang performance ug asa siya mopuwesto. Tan-awa ang ending kay pasok siya sa Kinsa Siyaaa?

Kinsa kining local singer nga nagManila na?  Produkto sa usa ka talent contest ug gwapa pud ni.

Duna ba kamo’y mga BisChika? Gusto ba ka nga mahimong Kinsa Siya Insider? Ang inyong buhaton mao lang ang pag-PM sa inyong Yur’s truly sa FB account nga “Yuri Richards”. Ayaw kamo kabalaka kay ang inyong mga Kinsa Siya ato-ato ra!