Enchong ug Samantha nagbuwag

CEBU, Philippines - Gibutyag  sa Kapamilya actor nga si Enchong Dee nga buwag na gyud sila sa iyang modelo nga girlfriend nga si Samantha Lewis. Bisan pa man sa  ilang panagbuwag ,  andam ra gihapon ang aktor nga motabang ni Sam kung  nanginahanglan kini niya. “That I told her that, 'Anytime you need me, just let me know, I’ll be here” suma pa ni Enchong.

Nagsugod na

Gisugdan na sa  Kapuso primetime queen nga si Marian Rivera ang iyang mga eksena sa  Encantadia sa GMA 7. Mi-post og hulagway  sa iyang Instagram account ang suod nga higala ni Marian nga si Ana Feleo sa ilang first taping. Si Marian ang modala isip  Inang Reyna sa Encantadia.

Naka- date si Pia

Giangkon sa  Kapuso hunk  nga Benjamin Alves nga naka-date niya kaniadto si Pia Wurtzbach sa dihang wala pa kini naghupot sa titulong Miss Universe 2015 .  Apan wala lang kini naabot sa punto nga nagkarelasyon sila sa beauty queen.  Malipayon gihapon ang aktor gumikan kay nagpabilin gihapon ang ilang panaghigalaay.

Proud sa anak

Nakadaog ang anak nila ni  Judy Ann Santos ug Ryan Agoncillo  nga si Yohan sa usa ka swimming competition. Proud kaayo ang magtiayon  sa upat ka  gold medals ug tulo ka  bronze medals nga nakuha sa ilang anak.  “So proud of you ate! Sabi ko na nga ba may anak akong sirena e!” suma pa ni Juday sa iyang Instagram post.

Mibalik sa Showtime

Nibalik na ang usa sa mga host sa It’s Showtime nga si Jhong Hilario human kini na-busy sa iyang pagdagan isip konsehal sa Makati. Mapasalamaton gyud si Jhong sa iyang It’s Showtime family ug madlang people tungod kay dako ang natabang niini sa iyang pagkadaog sa eleksyon.  “Gusto kong magpasalamat sa inyong lahat. Naging parte kayo kung bakit ako nanalo, naging parte ang 'Showtime' dahil sa pagmamahal na ibinigay niyo sa akin at ipinakita ko dito sa 'Showtime' na talagang tinangkilik ng taga-Makati. Kaya maraming maraming salamat," suma pa ni Jhong.

Sid Lucero best actor sa LA

Nakadawat ang Kapuso actor nga si Sid Lucero og pasidungog  sa labing dako nga  comedy festival sa United States.

Si Sid  maoy napili nga best actor sa  19th Los Angeles Comedy Festival nga gipahigayon sa California alang sa maayo niya nga pag-arte sa pelikulang  Toto nga ubos sa  direksyon ni John Paul Su.

Nakadaog usab ang maong pelikula  isip Best Foreign Film. Kahinumduman nga nakasalmot na kaniadto ang Toto  sa  new wave category sa Metro Manila Film Festival.

Nagsagunson ang kadaogan sa Pilipinas sa natad sa pag-arte atu-bangan sa ka-mera,  dili pa lang dugay nakadaog si Jaclyn Jose isip  best actress sa Cannes Film Festival napili usab nga best actor si  Jake Cuenca sa usa ka film festival sa Brazil. (BANAT NEWS)