Kinahanglan mo-level up
CEBU, Philippines - Na-pressure si Coleen Garcia nga makatrabaho sila si Piolo Pascual ug Dawn Zulueta sa pelikula nga Love Me Tomorrow. Matud pa niya nga kinahanglan niya nga mo-level up gumikan kay mga banggiitan na sa industriya ang iyang makauban sa maong pelikula. “Of course, there’s that factor na I really have to level up or I have to at least do better than my last projects. Siyempre, nakakahiya naman if I don’t, and then ang galing-galing ng mga kasama ko”, suma pa ni Coleen.
Gikumpara ang show
Gikumpara ni Marian Rivera ang iyang duha ka show sa GMA-7 nga “Yan ang Morning” ug ang dance show niya kaniadto nga “Marian”. Gipadayag niya nga mas lisod alang kaniya ang iyang kanhi dance show gumikan kay hago kaayo ang iyang lawas ilabi na nga maabtan og kadlawon ang rehearsal. Matud usab niya nga mas komportable siya sa iyang bag-ong pasundayag .
Giboking sa higala
Nasurprisa si Vice Ganda tungod sa pagbisita sa iyang duha ka mga higala nga sila si Paolo Ponciano ug Syric Pagsanhan sa show niya nga Gandang Gabi Vice. Giboking sa duha nga adunay gipanguyaban si Vice kaniadto nga usa na karon ka abogado nga ginganlan og Atty. Michelle Duenas.
Birthday ni Zion
Malipayong gisaulog niadtong Domingo ang 3rd birthday sa anak nila ni Sarah Lahbati ug Richard Gutierrez nga si Zion sa Manila Polo Club sa Makati City. Inspirado sa Jurassic Park ang maong party .
Inspirasyon ang fans
Mapasalamaton si Liza Sobreano sa fans nila ni Enrique Gil gumikan kay mitambong gyud kini sa ilang Dolce Amore WorldTour Kick Off sa Lapu-Lapu Shrine sa Luneta Park sa miaging adaw. Gipadayag niya pinaagi sa usa kaTwitter post nga naghatag og inspirasyon ang ilang fans nga misuporta gyud kanila bisan pa man og grabe ang kainit nga nahiaguman samtang sila mi-perform sa entablado.
Birthday wish ni James
Nagkaduol na ang adlaw’ng natawhan ni James Reid. Gipangandoy ni James nga makapahuway sa mismong adlaw aron makauban ang iyang pamilya. Matud pa niya nga andam na ang regalo ni Nadine alang kaniya apan gipabilin una kining sekreto.
Nakauyon sa tandem
Malipayon ang aktor nga si McCoy de Leon gumikan kay nauyonan sa publiko ang tandem nila ni Maris Racal sa We Will Survive. Matud pa sa aktor nga maningkamot siya nga dili siya mapakyas og atiman sa iyang kapares. Gihulagway usab ni McCoy nga si Maris ang babaye nga mao gyud ang gipangandoy sa usa ka lalaki.
Nag-viral
Nag-viral karon sa social media ang video ni “Carrot Man” Jeyrick Sigmaton kung diin nahimo siyang guest sa Bubble Gang. Kahinumduman nga una kining nakita niadtong Marso sa segment sa gag show nga Istambay sa Looban. Miabot og kapin 1.038.179 views ang maong video.
Tungod sa pagka-Asyano
Giangkon sa Award-winning Theater actress nga si Lea Salonga dili siya makalimot nga ubos ang pagtan-aw sa mga langyaw ngadto kaniya tungod kay usa siya ka Asyano. Si Lea napasidunggan na sa tibuok kalibutan isip mananaog sa Laurence Olivier Award ug Tony Award kaniadto.
James makulbaan gihapon
Makulbaan pa gihapon ang StarStruck graduate nga si James Teng kung maka-eksena niya sa Ismol Family sila si Ryan Agoncillo ug Carla Abellana. Bisan tuod nga kulbaan pa siya , masaligon ang aktor sa iyang kaugalingon nga makasabay ra siya sa pag-arte sa maong mga artista
- Latest