Eula moeskwela sa US

CEBU, Philippines - Plano ni Eula Caballero nga moeskwela sa Amerika sa higayon nga mohinay na ang iyang career. Suma pa sa aktres nga seguraduon niya daan ang iyang kaugmaon.

Hugyaw nga tingog nagpabilin

Malipayon si Jolina Magdangal gumikan  sa reaksyon sa mga tawo sa dihang gikanta niya ang pipila ka linya sa iyang awit sa iyang album sa paglugwa niya sa  Tonight With Boy Abunda . Kasagaran sa mga reaksyon nagkanayon nga wala gihapon muhupas ang iyang tingog bisan pa man nga nagkataas na ang iyang edad.

Pangandoy ni Michael V

Gipangandoy ni Michael V nga maka-direk og pelikula nga siya usab ang bida.  Nagpaabot na lang si Michael kung kanus-a mabakante ang iyang oras. 

Amerikana ang nagsuwat

Ginama sa American songwriter nga si Roxanne Seeman ang awit ni Jason Dy nga Caught In That Feeling. Dili pa lang dugay, gi-release ang self-titled album ni Jason.

Bag-ong kalagotan 

Ipahiyom na lang ni  Sue Ramirez kung duna maglagot kaniya nga fans nila ni Kathryn Bernardo ug Daniel Padilla .  Si Sue maoy bag-ong gidugang nga artista sa Pangako Sa 'Yo isip karibal ni Kathryn sa kinabuhi ni Daniel.

Jeron mibalibad og proyekto

Aduna'y gitanyag nga acting project alang kang Jeron Teng  apan iyaha kining gibalibaran gumikan kay naka-focus siya karon sa iyang basketball  career. Hinuon bukas siya sa maong posibilidad sa higayon nga dili na siya busy.

Tambal sa kamingaw

Tua sa  Milan, Italy si  Richard Gutierrez gumikan kay nitambong kini og bike convention. Bisan sa iyang kalayo, dili gyud mupalta si Richard sa pag-video call kang Sarah Lahbati ug sa ilang anak nga si Zion.

Epy mihimakak sa isyu

Gihimakak ni Epy Quizon ang taho nga matud pa duna'y miyembro sa ilang pamilya ang nagkagubot tungod sa nahibilin nga properties sa iyang amahan nga si anhing  Dolphy .  Una na nga nigawas ang taho nga duna'y  sakop sa ilang pamilya nga nagdali nga makakuha sa ilang bahin.

Itigi sa laing nasud

Naghudyaka si Allen Dizon gumikan kay malakip karong tuiga  sa 21st Kolkuta International Film Festival sa India ug 14th Dhaka International Film Festival sa Bangladesh ang pelikula nila ni Melai Cantiveros nga Sekyu. Nagmalaumon si Allen nga makakuha og pasidungog ang maong pelikula.

Utokan  ug kugihan

Gihulagway ni Juancho Trivino ang iyang higala nga si Alden Richards nga utokan ug kugihan. Classmate niya si Alden kaniadto sa   La Salle Canlubang College sa kursong Business Management.

Maine nakapuntos niJaya

Nauyonan sa  Queen of Soul nga si Jaya ang pagkanta ni  Maine Mendoza sa iyang  1997 hit nga  'Wala Na Bang Pag-ibig"  sa usa ka episode sa kalyeserye sa Eat Bulaga.

 Suma pa ni Jaya nga kuha kaayo ni Maine ang iyang tingog ug ang tono sa kanta busa nakadayeg dayon siya sa dalaga.

Nagpasalamat ang singer kang Maine gumikan kay napilian gyud niini ang iyang awit nga gipasikat niya kaniadto.

Nahimong viral video ang  pagkanta ni Maine sa 'Wala Na Bang Pag-ibig"    ug naghinam-hinam na pud ang iyang fans sa sunod nga kantahon niini sa umaabot nga mga episode sa kalyeserye.

Ella wala malain kang Andi

Gitataw ni Ella Cruz nga wala siya malain sa lenggua ni Andi Eigenmann sa usa ka interview nga wala kini kaila kaniya.

 Kahinumduman nga gikuhaan og reaksyon kaniadto si Andi kung unsa ang iyang ikasulti sa report nga duna'y relasyon ang iyang ex-boyfriend nga si Bret Jackson ug Ella ug nitubag kini og, "Ay, hindi ko yun kilala! Hindi ko po kilala si Ella Cruz."

Gipadayag ni Ella nga nakabasa siya sa maong balita apan wala ra siya masakitan niini. 

"Wala. Okey lang naman sa akin. Kasi siyempre hindi naman lahat ng tao kilala rin ako, especially sa mga tao sa showbiz. Usually kami pang nagtatrabaho sa TV, kami pa ang hindi nakakapanood ng TV, 'di ba? Minsan sa set na lang kayo nagkakakilala. Okey lang naman sa akin," tsika pa ni  Ella ngadto sa pep.ph.

Suma pa sa aktres nga wala'y dautan nga gisulti si Andi kalabot kaniya busa dili siya angayan nga mapungot niini.

"Hindi, hindi. Wala namang masama sa sinabi niya, e. Wala naman siyang negative na sinabi. Totoo naman na hindi niya ako kilala. Nagpakatotoo lang siya. Kaysa naman magpaka-plastic siya na kilala niya ako, 'di ba," dugang pa niya.

Suma pa ni Ella nga wala pa siya  nakasuway nga nakauban sa trabaho si Andi.

"Hindi pa kasi kami nagmi-meet o naipapakilala sa isa't isa. Never pa rin kaming nagkatrabaho. Siguro nagkakaroon lang ng times na nakikita ko siya sa ABS, pero hindi pa ako nakakalapit sa kanya," saysay pa sa aktres.

Diether gi-uslan sa TV5

Mobalik na si Diether Ocampo sa pag-arte human sa pipila ka buwan nga nabakante ang iyang career.

Ang aktor maoy special guest sa duha ka episodes sa programa sa Wattpad Presents Ang Wicked Ways kung diin makauban niya sila si Ritz Azul ug John James Uy. Ug malakip usab siya sa Seducing Mr. Wrong uban kang Sam Pinto.

Gipadayag ni Diether nga naa pa siya'y kontrata sa Star Magic sa ABS-CBN ug igo lang siya giuslan sa TV5 samtang wala pa siya'y trabaho sa iyang mother network ug iyaha gyud kini nga gipananghid.

"I'm very thankful for this opportunity. Hindi pa ako nakapag-guest sa Channel 5, this is the first time na magtatrabaho sa production ng TV5. This is the initial project that I accepted. But I'm still with Star Magic sa ABS," nagkanayon si Diet.

Kahinumduman nga wala madayon ang drama series kung diin makauban unta niya si Judy Ann Santos.

Paulo mosulod sa OTWOL

Molugwa  si Paulo Avelino sa umaabot nga mga episode sa seryeng On The Wings of Love nga gibidahan nila ni James Reid ug Nadine Lustre.

Wala hinoun gidetalye kung unsa  ang role ni Paulo apan gipanglantawan nga mao kini ang modala sa lalaki nga makatigi ni James sa kasingkasing ni Nadine.

Una na nga mikatap ang hulagway ni Paulo nga naa sa set sa maong serye ug naghinam-hinam na niini ang iyang fans.Padayon nga gipistahan ang On The Wings of Love, gani kanunay kini nga trending sa Twitter.