Sexy man gyud

CEBU, Philippines - Walay pagsupak si Gerald Anderson sa mga sexy scenes sa iyang uyab nga si Maja Salvador sa primetime series nga “Bridges” sa ABS-CBN. Suma pa ni Gerald, sexy man gyud matud pa si Maja busa angayang ipakita ug gawas pa, trabaho lamang ang tanan.

Nailhan na gyud

Giangkon ni Andrea Torres nga dako gyud og natabang ang iyang paglugwa sa cover sa FHM magazine niining bag-o lamang aron mas mailhan siya sa publiko. Matud pa sa maong Kapuso actress, mas daghan na ang mutagad ug makahinumdom niya.

Maayo kaayo

Samtang hapit na matud pa magsugod ang iya sab nga teleserye nga adunay titulong “Nathaniel”. Gipadayag ni Gerald nga nahugyaw siya sa gipakitang abilidad ni Shaina Magdayao dinhi niining maong serye. Sayud matud pa siya nga maayong mu-arte si Shaina apan unang higayon nila nga magkatrabaho hinungdan nga nahugyaw siya sa abilidad niini sa pag-arte.

Dili tinuod

Gihimakak ni Piolo Pascual ang nikatap nga taho nga matud pa nagkabalik sila ni KC Concepcion. Suma pa ni Piolo okay na niya nga nagkatingog na sila ni KC kay daw naibtan na siya og tunok, apan wala matud pay panagbalik nga nahitabo.

Bahala uroy mo!

Kever ra si Geoff Eigenmann sa mga dili mutuo nga naka-move on na siya human sa panagbuwag nila ni Carla Abellana mga duha ka tuig na ang nilabay. Suma pa ni Geoff, problema na kana sa mga tawo kun dili sila mutuo basta kay siya okay na gyud.