Wala madutli

CEBU, Philippines – Kever lang si Liza Soberano sa mga pagsaway nga iyang nadawat nga matud pa nga gihimo siya nga kataw-anan sa maong serye gumikan kay pakantahon siya permi bisan pa man nga dili nindot ang iyang tingog. Giingong parte lang kini sa trabaho busa dili siya magpadala sa mga pagsaway.

Claudine pilde sa kaso

“Not guilty” ang hukom kang Dessa Patilan sa kasong qualified theft nga gipasaka sa aktres nga si Claudine Barretto batok kaniya. Si Dessa maoy kanhi personal assistant ni Claudine kinsa gipasanginlan nga nikuha sa kuwarta ug alahas sa aktres. Kahinumduman nga nakagawas si Dessa kaniadto human siya piyansahi sa igsuon ni Claudine nga si Gretchen Barretto.

Busy sa career

Dul-an na sa usa ka tuig nga kasal sila si Kim Jones ug Jericho Rosales apan wala pa gyud sa ilang plano nga makabaton og anak. Busy pa ang magtiayon sa tagsa-tagsa nila ka mga career.

Pahiyom ang tubag

Mipahiyom si  Derek Ramsay sa dihang gipangutana kung andam ba siya makauban og balik sa proyekto ang iyang ex-girfriend nga si Angelica Panganiban. Kahinumduman nga kontrobersyal ang relasyon sa duruha kaniadto.

Gihangop ang sayaw

Napuno sa mga pagdayeg ang sexy dance number sa mag-uyab nga sila si Gerald Anderson ug Maja Salvador sa  ASAP 20th annniversary niadtong Domingo. Nalantawan og balik sa kadaghanan ang maayo nga abilidad ni Gerald sa pagkiay.

MJ ganahan mag-artista

Gipadayag ni MJ Lastimosa nga andam siya mopaubos sa acting workshop gumikan kay ganahan gyud siya mosulod sa showbiz. Suma pa niya nga ganahan siya malakip sa mga serye.

Hugyaw nga lugar

Sa Pampanga ug Baguio City himuon ang pipila ka mga eksena sa umaabot nga pelikula nila ni Meryll Soriano ug John Lloyd Cruz. Ang maong pelikula nag-ulohan og Ponzy ug si Erik Matti maoy direktor niini.

Solenn-Dennis movie

Gisugdan na niadtong Domingo ang shooting sa umaabot nga pelikula nila ni Solenn Heussaff ug Dennis Trillo nga  One Pedal at a Time. Istorya kini sa mga tawo nga mahiligon kaayo nga mag-bike ug mosuroy sa nagkadaiyang lugar.

Jean nag-negosyo

Gusto ni Jean Garcia nga magamit ang iyang talento sa pagluto busa nagtukod siya og restaurant sa Loyola Grand Villas, Quezon City. Kung dili busy ang aktres, siya mismo ang mangunay og bantay sa iyang negosyo.

Bela mipirma sa Viva

Nipirma dili pa lang dugay si Bela Padilla  og kontrata sa Viva Artist Agency . Naghinam-hinam na ang aktres sa umaabot niya nga movie projects.

Aron mahuwasan

Gikatahong nibakasyon si  Jasmine Curtis Smith sa usa ka mahalon nga resort aron mahuwasan sa breakup nila ni Sam Concepcion. Nasakitan matud pa si Jasmine sa ilang panagbuwag.  Usa sa rason sa ilang breakup mao ang wala pag-uyon sa igsuon ni Jasmine nga si Anne Curtis ngadto kang Sam.

Paneguro sa amahan

Gidungog nga ganahan si Gabby Concepcion nga mahinabi ang Kapamilya actor nga si Paulo Avelino. Giingong ganahan lang si Gabby nga naa lang sa maayong kamot ang iyang anak nga si KC kinsa maoy inspirasyon karon ni Paulo.

Nagpungasi ang proyekto

Duha ka mga pelikula ang gihulma karon sa Star Cinema alang sa Sugbuanong aktor nga si Richard Yap. Mogama usab siya og bag-ong album sa Star Records.

Marvelous mihimakak

Gihimakak sa TV5 star nga si Marvelous Alejo ang taho nga matud pa nga duna siya’y gibalibaran nga fan nga gusto unta magpahulagway kaniya. Suma pa ni Marvelous nga dili siya arte pagkatawo busa dili tinuod ang maong taho.

Janine lugwa sa Fashion Week; Luis ug Isabelle dili mahinayon

Inanay na nga natuman ang pangandoy ni Miss Universe 1st Runner-up Janine Tugunon ang iyang pangandoy nga makaapil og mga dagkong fashion shows didto sa Amerika.

Niining bag-o lamang, nirampa si Janine para sa Mr. Triple X atol sa Mercedes Benz Fashion Week.

Kahinumduman nga mga duha ka tuig na ang nilabay human nibiya si Janine dinhi sa Pilipinas aron manimpad didto sa Amerika.

Samtang suma pa sa www.normannorman blog, dili na matud pa mahinayon sila si Luis Manzano ug Isabelle Daza isip mga hosts sa Bb. Pilipinas pageant karong March 15.

Ang sigurado gyud nga mu-hosts mao sila ang mga Miss Universe runners-up nga sila si Venuz Raj, Shamcey Supsup ug Ariella Arida.

Sef ug  Betong sa  “Sabado-badoo”

Mosikad na karong Marso  ang tandem nila ni  Sef Cadayona ug Betong Sumaya sa pagpakatawa pinaagi sa umaabot nga comedy show sa GMA-7 nga Sabado-badoo.

“Tiyak na marami ang mag-eenjoy dahil muling makikita ang mga eksena na malamang ay nakalimutan na at hindi pa napapanood ng bagong henerasyon,” suma pa ni Betong.

Samtang si Sef sa iyang bahin nipadayag nga maayo ang chemistry nila ni Betong pagpakatawa busa masaligon siya nga mohangop niini ang publiko.

Namakak gyud si Xian?

Negatibo ang reaksyon sa mga followers sa www.fashionpulis.com human namantala kining maong hulagway ni Xian Lim nga nakuykuyan gikan sa iyang Instagram account mismo.

Naghinamhinam ang mga followers unsaon na sab paglusot ni Xian kining maong isyu nga tataw man kaayo nga dili muhaom ang iyang rason nga hayan ma-conflict sa iyang clothing brand endorsement ang ‘Albay’ shirt nga giregalo unta kaniya niadtong nibisita siya sa maong probinsya sa nilabay nga semana.

May niingon nga hayan muingon si Xian nga dili Singapore ang pasabot sa iyang SG shirt kundili Sarah Geronimo.

May mga nikomedya pa gani nga hayan ganahan lang gyud si Xian og “imported” sama sa iyang gisul-ob nga “I Love SG” shirt niining maong hulagway, apan dili siya ganahan og “local” sama sa gihatag sa mga taga Albay ngadto kaniya.

May mga nikomentaryo sab nga OA si Xian sanglit managsama sila og clothing brand nga gi-endorse ni Gerald Anderson apan ang nauwahi nagsige og sul-ob og “Titan” shirt ug makita pa gani sa Instagram account niini.

Suma pa sa usa ka follower sa maong entertainment blog, mga walo ka bulan na ka buwan ang nilabay sukad gi-upload kining maong hulagway ni Xian nga nagsul-ob og Singapore shirt.

Hasta ang iyang pagpa-interview sa The Buzz niadtong Domingo, wala palabya sa mga netizens. May mga niingon nga trying hard kaayo si Xian sa iyang “paawa” with matching “garalgal na boses” apan palpak gihapon gumikan kay mas naklaro na hinuon matud pa nga namakak siya.

Lakip ang iyang mama gibirahan sab sa mga netizen kay matud pa naningkamot nga makahilak, apan wala gyuy luha nga nitulo atol sa interview nga gipakita sab sa The Buzz niadtong Domingo.

Suma pa sa mga netizen, kun gidawat na lamang unta ni Xian ang maong ‘Albay” shirt ug gihatag na lamang niya ngadto sa laing tawo, wala untay problema ug dili ingon niini ka kontrobersyal ang samputanan.

Kini kay wala man gyud matud pa pugsa si Xian ug wala gani siya gisugo nga isul-ob ang maong shirt, regalo lamang matud pa kadto apan iyang gibalibaran hinungdan nga nigawas na hinuon nga bastos siya.

Xian gipasaylo na sa gobernador

Gipasaylo na ni Albay Governor Joey Salceda  ang aktor nga si Xian Lim kinsa gipasanginlan niya nga wala’y batasan gumikan sa wala pagdawat niini sa ilang regalo dungan sa pag-ingon nga wala siya motikang sa maong lugar aron i-promote ang Albay.

Suma pa ni Salceda nga buotan ang mga taga Albay busa gipasaylo na lang nila si Xian ilabi na nga  nagsingabot na ang Mahal nga Adlaw.

“Mababait kasi ang Albayanon... naniniwala kami sa constant kindness... Doesn’t mean to say na bumabalik kami sa dati, na humahanga kami sa kanya bilang idol ng kabataan,” suma pa sa gobernador.

Aron mabalik ang pagsalig sa taga Albay ngadto kang Xian, gipadayag ni  Salceda nga kinahanglan nga bisitahon sa aktor ang  tourist spots sa ilang lugar sama  sa  Lake Danao, Cagsawa Ruins, Ligñon Hills,  Vera Falls, ug uban pa.

Kinahanglan nga magpakuha  usab og hulagway si Xian sa maong  tourist spots, ug mokaon usab kini sa  Albay delicacies sama sa sili ice cream ug  tabios.

“Labindalawa lang ‘yan, mawawala na ang lahat ng tampo namin kasi ang sinira lang niya, tourism,” dugang pa sa gobernador.