2015 gipangandaman sa TV5

CEBU, Philippines - Magbaha matud pa ang mga bag-ong programa sa TV5 karong 2015 isip tipik sa pagpalambo og maayo sa maong istasyon.

Nasayran nga gipangandaman pag-ayo sa maong network ang morning show nga dumalahon nila  “Happy Wife, Happy Life” nga langkoban nila ni Danica Sotto, Jeck Maierhofer, RR Enriquez, LJ Moreno-Alapag ug Jinkee Pacquiao.

Mobirada usab sunod tuig ang programang “What’s The Problem?” nila ni Gelli de Belen ug Arnel Ignacio.

Hatagan og show sa TV5 ang sikat kaayo nga radio personality nga si Papa Jack ug tigtambag gihapon sa mga tawo nga napakyas sa gugma maoy  iyang papel ug masaksikhan siya sa programang “ Call Me Papa Jack”.

“We’re going to show that we’re really the Happy Network. It’s time to make the change. As our slogan said, it’s TV5’s time, this is our time. We’re going to change the television landscape. We’re going to give people happiness from breakfast to dinner time. We’re giving entertainment for everybody, every member of the family,” suma pa sa TV5 president ug CEO nga si  Noel C. Lorenzana.

Palapdan sa maong network ang paghatud sa mga balitang artista pinaagi sa programang  “E5 (Entertainment5)”  nga dumalahon nila ni  KC Montero, IC Mendoza, Grace Lee, Divine Lee ug Tim Yap .

Samtang si Ritz Azul maoy bida sa umaabot nga programa sa TV5 nga  “No Harm, No Foul” kung diin makauban niya ang  PBA players  nga sila si Beau Belga, Gary David ug  Willie Miller. Aduna pa’y mga dugang  giplantsa nga  mga programa sa TV5 nga mosikad sunod tuig.