Disney Princess

CEBU, Philippines – Molugwa ang dagway ni Sarah Geronimo sa music video sa theme song sa bag-ong Disney Princess nga The Glow. Pormal kini nga ipakita karong December 6 sa Disney Channel.

Giunongan sa fans

Todo ang pasalamat nila ni Kim Chiu ug Xian Lim gumikan sa init nga pagsuporta sa  Bakit Hindi Ka Crush ng Crush Mo nga gisalida sa ABS-CBN niadtong Domingo  isip pang-atbang sa Pacquiao-Algieri fight sa GMA-7.

Kathryn ganahan mag-concert

Dili magpalupig si Kathryn Bernardo sa iyang ka-loveteam nga si Daniel Padilla kay target usab sa aktres nga makaangkon og kaugalingong concert.  Todo promote karon si Kathryn sa version niya sa Mr. DJ nga orihinal nga giawit ni Sharon Cuneta.

Kever ang show

Wala gihapon matandog si Lea Salonga sa iyang mga kritiko kinsa nilenggua nga “over acting” ra siya pagka-coach sa programang The Voice of the Philippines Season 2 sa ABS-CBN. Giingong karaan na kaayo ang maong  istorya busa kever ra siya niini.

Unang Pasko

Naghinam-hinam na si Sunshine Cruz sa umaabot nga Pasko gumikan kay saulogon niya kini sa bag-o niya nga balay.  Si Sunshine ug ang iyang mga anak maoy nangunay og butang sa mga Christmas decoration sa ilang balay.

Malipayon sa present GF

Mipahiyom lang si Enzo Pineda sa dihang gipangutana kung wala ba siya mingawa sa iyang ex-girlfriend nga si Louise delos Reyes. Dili na interesado motubag si Enzo niini  gumikan kay malipayon na siya sa iyang non-showbiz girlfriend.

Sagol ang reaksyon

Gipistahan pag-ayo  sa mga tawo ang seryeng Two Wives sa ABS-CBN,  apan duna gihapo’y mga tawo ang wala mahimuot niini. Suma pa nga susama ra kini og konsepto sa serye niadto nga The Legal Wife busa sum-ol na kaayo ang dagan sa istorya niini

Sakpan nga nanuroy

Nasigpatan sila Aljur Abrenica ug Louise delos Reyes nga nag-uban og shopping sa usa ka mahalon  nga tindahan sa miaging semana. Tak-om gihapon ang duha sa ilang status.

Baby shower

Mipahigayon og baby shower si Melissa Ricks sa Greenhills niadtong Domingo diin lakip sa mga bisita mao silang Bianca Manalo, Empress Shuck, Gretchen Fullido, ug Tom Taus. Gikatakdang manganak si Melissa karung Enero ug usa kini ka batang babaye.

Kissing Scene

Nagkatawang gitsika ni Kim Chiu nga dugay nahuman sa dihang gibuhat nila ang kissing scene sa pelikulang Past Tense. “Ang tagal! Hahaha! Kaya sabi ko…putulin niyo naman!”, suma pa ni Kim.

Coco buotan

Midayeg si Martin Escudero ni Coco Martin gumikan kay buotan kini ug mapaubsanon kaayo nga pagkatawo. Kauban ang duha karon sa umaabot nga pelikula nga Feng Shui ni Kris Aquino.

Ai-Ai gustong mahimutang

Gikumpirmar ni Ai-Ai delas Alas nga aduna siya’y plano nga mo-migrate sa Amerika aron makauban ang iyang mga anak nga sila si Sofia ug Nicolo. Dili pa niya matino kung kanus-a kini mahitabo gumikan kay busy pa siya sa iyang career.

Bakasyon sa Mexico

Nagbakasyon karun sa Mexico ang magtiayon nga si Richard Gomez ug Cong. Lucy Torres kauban ang ilang anak nga si Juliana.

Career sa teatro

Padayun nga miarangkada sa ilang career sa teatro didto sa London ang Kapuso stars Mark Bautista ug Rachelle Anne Go. Si Mark padayun nga makit-an sa rock musical nga “Here Lies Love” samtang si Rachelle sa Miss Saigon.

Kontento sa career

Malipayon ang TV5 talent Mark Neumann sa iyang duha katuig nga career sa showbiz bisan pa man dili siya ingun-ana kasikat ang importante ingon niya mao nga aduna siya’y trabaho.

Idol si Papa

Giidolo ni Grae Fernandez ang iyang amahan nga si Mark Anthony Fernandez . Sakop si Grae sa boy group nga Gimme 5.