Kris Janson! Good luck Cebuana

CEBU, Philippines - Emosyonal si Bb. Pilipinas Intercontinental 2014 Kris Tiffany Janson atol sa iyang thank you speech niadtong Miyerkules sa send-off party nga gipahigayon para kaniya sa Bb. Pilipinas Charities Inc. (BPCI).

Giangkon ni Kris nga nagpanikad na siya og maayo sa umaabot nga  Miss Intercontinental nga ipahigayon didto  sa  Maritim Hotel and Congress sa  Germany karong December 4, 2014.

Motikang si Kris sa Germany ugmang adlawa kung diin makauban niya ang iyang inahan, iyaan ug ig-agaw aron mohatag og dakong  suporta kaniya.

 “I'm really focused on what I'm supposed to do and on what I will do when I get there. I have faith in myself and I have faith in God. I'm sure He will guide me in my journey in Germany,” suma pa ni Kris.

May mga beauty pageant experts nga malaumon nga malangkat gayud sa Sugbuanong si Kris ang korona sanglit dako na matud pa og kausaban ang nahisgutan kun pamorma sa lawas ug pagsalig sa kaugalingon ang hisgutan.

Miss World Honduras gipatay

Nakaplagan na nga patay ang beauty queen nga si Maria Jose Alvarado ug ang igsuon niini nga si  Sofia sa kilid sa sapa sa Santa Barbara, Tegucigalpa niadtong Miyerkules didto sa Honduras.

Ang 19 anyos nga si  Maria mao untay representante sa  Honduras sa umaabot nga  Miss World 2014 .

Giingong ang nagpatay kanila mao ang boyfriend sa igsuon ni Maria nga ginganlan og Plutarco Ruiz.

Giangkon ni Ruiz ang krimen ug siya ang nagtudlo sa mga pulis sa lugar nga gilubngan niya sa patay nga mga lawas.

Selos ang rason ni Ruiz hinungdan nga gipamusil niya ang mga biktima. Nasuko matud pa si Ruiz gumikan kay nakigpares og laing lalaki si Sofia sa dihang nitambong kini og party.

Kauban ni Ruiz sa paglubong sa mga biktima mao ang ginganlan og Aris Maldonado.

Samtang nipadangat sa iyang pahasubo ngadto sa pamilya sa mga biktima ang head sa Miss World Organization nga si Julia Morley ug mohimo kini og tribute alang sa beauty  queen karong Domingo.

“Ashtray” ni Angel

Sumsuman niining bag-o lamang ang short film ni Angel Aquino nga giulohan og Ashtray nga bag-ohay lamang nakadaog og pasidungog didto sa usa ka film festival sa New York.   Ang director/producer nga si Nerissa Picadizo maoy nidaog isip Best Indie Producer sa International Film Festival Manhattan nga gipahigayon niadtong October 23.

Unang higayon kini nga nakighawok og babaye si Angel sa iyang pelikula. Si Althea Vega ang iyang pares niini.

“It’s about unrequited love.  Nagmamahal ako kay Thea (Althea).

“Siyempre noong una, she was trying to play safe. Hindi niya ma-imagine na it’s a possible love affair, gano’n.

“Do’n sa story, I died.  Tapos bigla siyang nagsisi na bakit hindi niya ako pinatulan.”

Asoy ni Angel sa www.pep.ph mas una matud pa kining Astray niya nga nahimo kay sa Huling Cha Cha ni Anita diin tomboy usab ang iyang role didto.

"This was the first time that I kissed a girl on screen.

"I was ready naman for anything. Parang may understanding that it wasn't anything intimate.

"Hindi tulad sa Anita na 'ang tagal nito ha.'”  “Isalida ang Ashtray sa umaabot nga Quezon City International Pink Film Festival sunod bulan.“

Ervic ug Ariella nagbuwag

Gibutyag ni Ervic Vijandre nga buwag na sila ni Miss Universe 2013 third runner-up Ariella Arida. Komedya pa ni Ervic nga seguradong mingaw ang iyang Pasko gumikan kay wala na sa iyang kiliran ang espesyal nga babaye sa iyang kinabuhi. Nagdumili siya pagbutyag sa rason sa ilang panagbuwag.

Sayop nga pagtuo

Giangkon ni Jonalyn Viray nga dunay mga higayon niadto nga ganahan na siya mobiya sa iyang singing career gumikan kay nabatyagan niya nga wala gyud kini molambo. Apan sukad nagmalampuson ang iyang mga concert, nakaingon siya nga nagpabilin gihapon diay ang init nga suporta sa mga tawo kaniya.

Beauty nakahilak sa grasya

Nakahilak si Beauty Gonzales sa dihang nadawat niya ang offer nga mahimong leading lady ni Zanjoe Marudo sa seryeng Dream Dad sa ABS-CBN. Suma pa ni Beauty nga wala dayon siya makatuo nga makadawat og dakong proyekto gumikan kay nakasuway na siya niadto nga kalit siya nga gitangtang sa laing serye sa ABS-CBN.

Pupil motukar  sa Singapore

Ang banda ni Ely Buendia nga Pupil maoy usa sa mga manukar sa Asian Sundown Music festival didto sa Singapore. Molarga na sa Singapore  sunod adlaw  ang grupo ni Ely ug dako kini nga garbo alang sa singer gumikan kay makadungan nila sa maong kalihukan ang nagkadaiyang singers sa nagkalain-laing dapit sa  Asya.

Sofia sa Forevemore

Gikatakdang mosulod sa seryeng Forevermore sa ABS-CBN si Sofia Andres.  Si Sofia maoy leading lady ni Iñigo Pascual sa pelikulang "Relaks, It's Just Pag-Ibig".

5th bridal shower

Gipahigayon niadtong Miyerkules ang ikalima nga bridal shower pahinungod kang Marian Rivera nga gipasiugdahan ni Celia Rodriguez nga usa sa mga ninang sa umaabot nga kasal nila ni Dingdong Dantes karong December 30.

Lea gipangandoy ni Julie Anne

Busy si Lea Salonga sa taping sa The Voice of the Philippines busa hanap ang posibilidad nga mahitabo ang pangandoy ni Julie Anne San Jose nga  himuon niya kini nga guest sa iyang Hologram concert sa SM Mall of Asia Arena karong December 13, 2014.  Si Julie Anne maoy giila nga Asia’s Pop Sweetheart.

Gigastohan og todo

Gipadayag ni Mother Lily Monteverde nga gigastohan niya og maayo ang pelikulang Shake, Rattle & Roll XV ug dili gyud magmahay ang mutan-aw niini. Seguradong makahadlok gyud ang nagkadaiyang eksena sa maong pelikula.

Suportado sa bestfriend

Suportado ni James Yap ang pakigrelasyon sa iyang bestfriend nga si Ai-Ai delas Alas ngadto sa 20 anyos nga si Gerald Sibayan. Suma pa sa basketbolista nga dili babag ang age gap sa relasyon sa duha.

Magmalinawon ang huna-huna

Nihangyo si Lovi sa mga tawo nga hunungon na ang paghisgot kalabot sa panagbangi nila ni Direk Erik Matti gumikan kay hagbay ra siya nga naka-move on sa maong isyu. Nagdumili paghisgot si Lovi og mga negatibong butang ilabi na nga nag-promote siya karon sa pelikulang Shake, Rattle & Roll XV.

Special song

Gipadayag ni Yeng Constantino nga kantahon gyud niya ang awit niya nga Ikaw sa umaabot nga kasal nila ni Victor Asuncion. Gipadayag sa singer nga dako ang posibilidad nga makahilak siya inigkanta niini.

Nag-agad sa panahon

Gipadayag ni Iza Calzado nga duha ka tuig gikan karon ang plano niya nga magpakasal sa iyang British-Filipino businessman boyfriend nga si Ben Wintle apan mahimo pa kini nga mauswag gumikan kay gaagad ra gyud sila sa mahimong dagan sa panahon.

Carla nahadlok sa tiki

Dili gyud malimtan ni Carla Abellana ang mga tiki nga nagpalibot sa plato nga iyang gisudlan sa iyang pagkaon. Usa kini sa mga eksena sa Ulam episode sa Shake, Rattle & Roll XV. Puwerting kuroga ni Carla sa dihang gibuhat ang maong eksena.

Palahi ang peg

Gusto nila ni Chito Miranda ug Neri Naig nga magpalahi ug unique ang ilang invitation card sa ilang kasal busa nigamit sila og pinulongang Tagalog niini. Kaslon ang duha karon December 14 sa Silang, Cavite.

Nash nakugang sa resulta

Gipadayag ni Nash Aguas nga nakugang gyud siya og maayo sa init nga paghangop sa publiko sa serye niya nga Bagito sa ABS-CBN. Suma pa ni Nash nga nakulbaan siya niadto sa mahimong resulta niini busa nahuwasan na siya karon gumikan kay puros man pagdayeg ang nadawat sa Bagito.