John Lloyd nahiubos

CEBU, Philippines – Nahiubos matud pa si John Lloyd Cruz sa production team sa pelikulang The Trial. Giingong ubay-ubay nga mga bug-at nga eksena ni  Lloydie ang gitangtang sa maong pelikula.

Jewel magminyo na

Magpakasal na sulod karong tuiga didto sa Amerika si Jewel Mische ug ang iyang Scottish boyfriend nga ginganlan og Alister. Gipasalig hinuon ni Jewel nga duna sila'y ikaduhang wedding ceremony nga himuon dinhi sa Pilipinas sunod tuig.

Alfred dili madayon sa Feng Shui

Dili madayon ang espesyal nga partisipasyon ni Congressman Alfred Vargas sa pelikulang  Feng Shui 2. Karong adlawa unta i-shoot ang iyang mga eksena apan nataymingan nga tua sa Europe ang aktor.

Moarte na

Molugwa ang modelo nga si John Spainhour sa pelikulang Shake, Rattle & Roll 15 partikular na sa episode nga Flight 666. Si John maoy representante   sa  Pilipinas sa Mister  World 2014 .

Arnel motabang sa mga banda

Gikahinaman pag-ayo ni Arnel Pineda ang umaabot niya nga reality show nga Asian Music Camp. Dakong garbo alang kang Arnel nga makatabang sa mga banda nga mahatagan og international exposure.

Nagpatabang sa bag-ong manager

Adunay bag-ong manager si Aljur Abrenica ug mao kini ang naningkamot aron magkauli ang aktor ug ang GMA-7.  Wala na matud pa kaantos ang aktor sa gilangaw niya nga career.

Polo sa Pasion de Amor

Ang teleserye nga  Pasion de Amor maoy unang proyekto ni  Polo Ravales sa  ABS-CBN. Padayon gihapon ang negosasyon ni Polo sa bag-o niya nga network.

Relax nga bride

Tsika pa ni Yeng Constantino nga 100% na siya nga andam sa kasal nila ni Victor "Yan" Asuncion sunod tuig. Suma pa ni Yeng nga gipahimutang na nila ni Victor ang mga kinahanglanon aron dili sila magkara-kara kung magkaduol na ang maong adlaw. "Sobrang relax ako na bride," suma pa ni Yeng.

Gianna miundang sa showbiz

Mihunong na sa pag-artista ang anak nila ni Sen. Bong Revilla ug Cong. Lani Mercado nga si Gianna Revilla. Usa si Gianna sa gipaila niadto sa  GMA Artist Center isip bag-o nila nga young star.  Gusto niini nga mo-focus sa iyang pagtungha.

Ai Ai gitambagan

Gitambagan si  Ai Ai delas Alas nga dili na lang idayon ang iyang plano nga modagan pagka-mayor  sa  Calatagan, Batangas karong 2016. Giingong apeke na kaayo ang panahon gumikan kay kinahanglan pa nga tuyokon sa aktres ang maong dapit aron mohimo og lapad nga konsultasyon.  

Magtigom daan

Gibutyag ni  Rocco Nacino nga kinahanglan pa siya magtigom og dakong kantidad sa dili pa sila magpakasal ni Lovi Poe. Suma pa ni Rocco nga espesyal ang maong butang busa kinahanglan ang dakong pagpangandam niini.

Nananghid og tarong

Gitataw ni Jolina Magdangal nga nananghid siya og tarong sa mga kadagkoan sa GMA-7 sa pagbalik niya karon sa ABS-CBN. Gidawat ni Jolina ang seryeng Flordeliza kung diin subli niya nga makapares si Marvin Agustin. Ang maong serye maoy mohulip sa timeslot sa Please Be Careful With My Heart.

Kever sa nagduda

Kever lang si Michelle Van Eimeren sa mga tawo nga nikuwestyon sa  closeness nila ni Regine Velasquez. "Kung ayaw maniniwala na close kami, e, di problema niyo 'yon," suma pa ni Michelle.

Pa-cute nga tubag

Giklaro ni Angeline Quinto nga wala pa niya sugta si Erik Santos apan ang singer gihapon ang duol sa iyang kasing-kasing. Malipay si Angeline kung naa si Erik sa iyang kiliran.

Kapoy apan lingaw

Giangkon ni Rico Blanco nga nalingaw siya sa pagama og mga serye apan dili malikayan ang ka-kapoy gumikan sa binuntagan nga taping. Kanunay nga malakip si Rico sa mga serye sa ABS-CBN.

Nangandam na si Maxene

Ipaubos na og todo nga workshop si Maxene Magalona isip pagpangandam alang sa una niyang proyekto karon nga nahibalik na siya sa ABS-CBN.

Mosulod si Maxene sa "master class" workshop ni direk Ryan Carlos apan dili pa niya buot idetalye ang umaabot niya nga proyekto sa Kapamilya Network.

Gihimong guest si Maxene sa nagkadaiyang programa sa ABS-CBN sukad sa miaging buwan. Kini sama sa  "Kris TV," "It's Showtime" ug  "The Singing Bee."

Kahinumduman nga nakahukom si Maxene nga mobiya sa GMA-7 gumikan kay gusto niini makatilaw og dugang mga oportunidad sa showbiz.

Nagsugod si Maxene sa programa sa ABS-CBN nga "Ang TV" niadtong 1994, ug nitikang dayon kini sa GMA-7 niadtong 2001.