Angeline naproblema sa iyang boobs
CEBU, Philippines - Gusto ni Angeline Quinto nga kuhaan og unod ang iyang boobs gumikan sa kadako niini. Suma pa sa singer nga dunay mga higayon nga maglisod siya og suot sa iyang gown gumikan sa kadako niini. "Akala ng iba, nagpadagdag ako. Hindi nila alam, lagi akong namumroblema every time na mayroon akong shoot," suma pa ni Angeline.
Usa ka tuig na
Giangkon ni Nadine Samonte nga usa na sila ka tuig nga minyo sa iyang hinigugmang negosyante nga si Richard Chua. Nahitabo ang ilang kasal niadtong October 30, 2013 didto sa Zambales.
Rafael nakauyon sa marijuana
Uyon si Rafael Rosell nga himoong legal ang marijuana dinhi sa nasud. Suma pa sa aktor nga tambal sa bisan unsa nga sakit ang marijuana ug usa siya sa makapamatuod niini. Suma pa ni Rafael nga naayo ang iyang inahan sa sakit nga thyroid cancer gumikan sa marijuana.
Korina pabakasyonon?
Niulbo ang mga hungihong nga matud pa gitambagan si Korina Sanchez nga mobakasyon una karong November ug temporaryong dili mopakita isip news anchor sa TV Patrol gumikan sa mga nagbaha nga isyu sa iyang bana nga si DILG Secretary Mar Roxas.
Imposibleng magtingog
Igo ra niyam-id si Derek Ramsay sa dihang gisuginlan siya sa iyang mga higala nga magtingog na lang sila sa kanhi niya hinigugma nga si Mary Christine Jolly alang sa kaayohan sa ilang anak. Kahinumduman nga gikapoy na si Derek kang Mary Jolly gumikan kay mao kini ang nagpasiugda sa gubot.
Pakpak alang kang Daniel
Niduwa si Daniel Padilla dili pa lang dugay sa usa ka charity basketball game. Hatagan unta ang aktor og honorarium apan wala siya modawat niini. Gusto sa aktor nga makatabang og dako sa iyang isigkatawo.
Pagsure diha Laarni!
Giliko-liko ni Laarni Enriquez ang iyang tubag sa dihang gipangutana kung uyon ba siya kang Andi Eiganmann kinsa nahimong uyab sa iyang anak nga si Jake Ejercito. Igo ra mitubag si Laarni nga gusto niya nga makahuman si Jake sa iyang pagtungha.
Concert dili madayon
Dili madayon ang giplano nga birthday concert ni AiAi delas Alas karong Nobiyembre. Suma pa sa komedyanteng aktres nga apeke na kaayo sa oras. Usa sa gikabisihan karon sa aktres mao ang pagama sa iyang bag-ong album.
Cute music video
Positibo nga mga feedback gikan sa netizens kalabot sa music video sa awit ni Yeng Constantino nga "Ikaw". Suma pa nga cute kaayo ang maong video gumikan kay kauban niya ang iyang hinigugma nga si Victor Asuncion.
Magkita gihapon
Nagsabot sila si Kylie Padilla ug Rayver Cruz nga inigkahuman sa promosyon sa pelikula nila nga Dilim , padayon gihapon sila nga magkita. Agdon ra nilang duha ang dagan sa panahon kalabot sa posibilidad nga magkauyab silang duha.
- Latest