Respect Begets Respect

CEBU, Philippines - Bisan pa man sa tanang diskriminasyon ug pagtamay nga nasinati sa LGBT community, iyang gipamatud-an sa kadaghanan nga dili lang siya  takos nga hatagan og patas nga katungod kundi angay daygon gumikan sa iyang talagsaon nga hiyas nga angay pasidunggan.

Ang nakoronahang Ms. Geisha Mandaue 2014 mapasalamaton nga hinay-hinay na nga nasinati ang hingpit nga kagawasan, respeto ug halangdon nga reputasyon kabahin sa gender discrimination karong panahona. Siya nanghinaot nga unta ampingan ang maanindot nga imahi ug dili usikan alang sa kalamboan ug hingpit nga mahanaw ang diskriminasyon.

Wala'y puas nga kalipay ang gibati sa gikoronahang Ms. Geisha Mandaue 2014 nga si Erika Diaz sa dihang nasakmit niya ang maong korona. Matod niya nga nakahilak gayud siya sa dihang giproklamar na siyang mananaug apan dali niyang gipahiran ang iyang mga luha kay nakahuna-huna siya nga daghan pa ang magpakuha og imahi ngadto kaniya human sa pageant.

Si Erika nagkanayon nga wala siya nagdahom nga makadaug sa maong kompetisyon, gani malipayon ra siyang malakip sa top 3. Apan sa dihang duha na lang sila ka kandidatang nahabilin, nagdahom siya nga siya ang mamahimong 1st Runner-up apan nahimoot na lang siya sa dihang gideklara siyang mananaug niadtong gabhiuna.

Sa wa pa ang adlaw sa kompetisyon, ni-agi siya og pagbansay kun unsaon sa pagpaso atol sa usa ka pageant. Busa dako siya og pagpasalamat ngadto nilang Jonas Borces sa Jonas Borces Beauty Studio nga iyang trainer ug make-up artist, si Mark Anthony Tenchavez sa Shandar nga nagdesinyo sa iyang sandal ug si Emi Ayag ang iyahang premier makeup artist atol sa pageant.

Pagsalig sa kaugalingon sa panahon sa coronation night ang iyang gi-isip nga hiyas nganong siya ang gideklarang Ms. Geisha Mandaue 2014. Apan ang uban nagatuo nga ang iyang exquisite charm and uniqueness ang nakabentaha kaniya sa tanang kandidata.

Dili unang higayon ni Erika nga nisalmot og dako nga beauty pageant sama sa Ms. Geisha Mandaue. Nisalmot  siya sa Queen of Cebu niadtong tuig 2009 ug diin nalakip siya sa 21 ka finalist sa pioneering batch. Wala man tuod niya nasakmit ang korona, gi-isip niya kining mahinungdano'ng kasinatian para sa pagbansay sa iyang kaugalingon alang sa umaabot pa nga mga indigay.

Gidasig ni Erika ang kaugalingon nga mu-audition sa Ms. Geisha Mandaue kay masaligon siya nga kini ang hustong lugar alang kaniya sa pagpadayag sa iyang kaugalingon ngadto sa kadaghanan ug mapasigarbohong magpaila isip transgender.

Gibutyag niya nga kaniadto dili niya pangandoy ang mamahimong beauty queen."Well, before not really, as I thought that being short was a hindrance of winning a beauty pageant but I realized that a beauty pageant is not a fashion show or modeling that requires 5'7 and above height requirement. Being tall is a bonus." Gikuhaan niya og inspirasyon si Gloria Diaz nga gi-ingong labing mubo sa tanang mga kandidata sa dihang nakoronahan kining Miss Universe 1969. Sama usab sa bag-o lang nakoronahang Miss Philippines Universe nga si MJ Lastimosa nga dili kaayo taas. Giasoy ni Erika nga dili lang ang katas-on ang basihanan aron mamahimong beauty queen, kun dili lakip niini ang hustong pagdala sa kaugalingon aron mamahimong angayan ug labing mahinungdanon ang pagpakita og kabansay sa kaugalingon sa pag-atubang sa Question and Answer portion.

Mapasalamaton usab siya nga wala kaayo siya nakasugat og diskriminasyon gikan sa publiko isip transgender. "But whenever I encounter one, I face it with a light heart, not anger. Respect begets respect. If I see the need to talk to them then I will in the most modest manner, but if I think that they don't deserve a conversation because they look ignorant then I'll just leave with a smile. A smile can always brighten a person's heart," sigun pa niini.

FAST FACTS

Name: Erika Diaz

Age: 24

Height: 5'4

Manager/Make-up Artist: Emi Ayag

Address: Greenville Subd., San Isidro,

Talisay City, Cebu

Citizenship: Filipino

Education

College: University of San Carlos

Course: Business Administration major in marketing

Work: Freelance Makeup Artist / Entrepreneur

Title: Geisha Mandaue 2014

Motto: "Your confidence is not influenced on how many times you've fallen; it is influenced on how many times you got back up and kept going"