Derbie fans excited

CEBU, Philippines - Naghinamhinam na ang "DerBie" fans nila ni Derrick Monasterio ug Barbie Forteza sa subli nilang panag-uban sa teleserye pinaagi sa umaabot nga " Half-Sisters" sa GMA-7. Sa nilabay nga tuig pa sila nagkatrabaho pinaagi sa AnnaKareNina. Makauban usab nila niining bag-ong serye si Thea Tolentino.

Si Bea muhulip

"Sana Bukas Ang Kahapon" maoy muhulip sa The Legal Wife sa higayon nga mahuman na ang teleserye nila ni Angel Locsin, Jericho Rosales, ug Maja Salvador sa ABS-CBN primetime. Ang nahisgutang Sana Bukas pagabituonan ni Bea Alonzo ug Albert Martinez, kauban si Paulo Avelino.

Excited kaayo ang Sarah

Excited na si Sarah Lahbati gumikan kay hingpit na gayud matud pa siya nga mulugwa sa The Ryzza Mae Show ni Ryzza Mae Dizon karong buntag sa GMA7 sa dili pa ang Eat Bulaga. Ganahan kaayo si Sarah kang Ryzza hinungdan nga naghinamhinam na siya. Dugay na matud pa siya nga nagpaabot niining maong higayon nga makalugwa sa maong show.

Lahi nga LJ

Nasayop ang ABS-CBN News gumikan kay sa caption nila sa hulagway  nga gi-upload ni KC Concepcion, LJ Moreno ang ilang gisuwat nga ex-girlfriend sa actor nga si Paulo Avelino. Si LJ Reyes maoy kanhi ka relasyon ug amahan sa anak ni Paulo.

Gihidlaw si Kaye

Nag-"appreciation lunch" ang cast and crew sa teleseryeng AnnaLiza kagahapon. Padayag ni Kaye Abad pinaagi sa Instagram nga gimingaw na matud pa siya kaayo sa iyang mga katrabaho, dayong komedya nga mubalik na matud pa sila’g taping karong adlawa. Ang Annaliza natapos sa nilabay nga bulan ug gihulipan sa Mirabella starring Julia Barreto.

Idol LT

Si Lorna Tolentino maoy idol ni Max Collins. Buot sa young actress nga mahisama kang LT ang iyang career sa showbiz nga bisan sa kadaghang mga artistang bag-o, nagmalungtaron gihapon ang banggiitang aktres. Si LT ug Max nagkatrabaho kaniadto sa GMA7 primetime series "Pahiram ng Sandali" kauban si Dingdong Dantes.

Aron makalimot

Tsika pa ni Jennylyn Mercado nga gipapas na niya sa iyang cellphone ang mga hulagway nila sa iyang ex-boyfriend nga si Luis Manzano. Hingpit na nga nakamove-on si Jen sa breakup nila sa TV host.

Zsa Zsa kever sa intriga

Dili motuo si Zsa Zsa Padilla sa mga intriga nga  nanggawas nga matud pa nga babaero ang bag-o niya nga hinigugma nga si Conrad Onglao. Matud pa niya nga malipayon silang duha sa ilang relasyon busa dili makatumpag kanila ang mga intriga.

Raymond maghubo

Giangkon ni Raymond Bagatsing nga kung siya ra usa sa iyang balay, maghubo ra siya. Matud pa sa aktor nga mao na kini ang iyang naandan gumikan kay hayahay kaayo ang iyang paminaw basta maghubo siya tanan.

Kris ug Carl nagbalik

Giingong nagbuwag sa miaging buwan sila Kris Bernal ug Carl Guevarra apan nagbalik ra gihapon ang duha sa miaging adlaw. Dili gusto si Carl nga maguba ang ilang relasyon sa gamay ra kaayo nga rason nga dili niya puwede ibutyag.

Liwat sa amahan

Misulod na sa music industry ang anak ni April Boy Regino nga si JC  ug kasamtangang gi-promote niini ang iyang hit single nga Wasak. Milugwa si JC kagahapon sa programang Umagang Kay Ganda.

Jake ug Yassi isip Jamich

Sila si Jake Vargas ug Yassi Pressman maoy mo- portray sa  life story sa  YouTube sensation  nga "Jamich" (Jam Sebastian ug Michelle Liggayu) alang sa usa ka episode sa programang Magpakailanman sa GMA-7. Misikat pag-ayo ang Jamich gumikan sa mga short film nga gipang-post nila sa YouTube.

Jerome mawili

Gipadayag ni Jerome Ponce nga nalingaw ra siya og maayo sa seryeng Be Careful With My Heart sa ABS-CBN ug wala gyud siya ka-feel og kalaay bisan pa man nga magsige og ka-extend ang maong serye.  Kung si Jerome ang pasultion, dili siya ganahan nga tapuson karong tuiga ang Be Careful With My Heart gumikan kay mawili siya sa mga kaubanan niya sa nahisgutang serye.

Mauwaw sa ex-GF

Gipadayag ni Enzo Pineda nga dili malikayan nga makaduko siya sa higayon nga magkaabot sila sa iyang ex-girlfriend nga si Louise delos Reyes sa set sa programang Sunday All Stars. (Sanden J. Anadia)

Lahi na’g tono ang Kris

"BEST OF FRIENDS" ,  mao  ni ang gihulagway nga estado sa ilang relasyon karon ni Kris Aquino ngadto ni Quezon City Mayor  Herbert Bautista. Kini human siya miangkon sa ilang pag-date sa mayor suma sa iyang giingon sa usa niya ka Instagram post niadtong miaging gabie sa Abril 22.

Ug sa iyang ulahi nga gi-post siya nagkanayon nga nagpasalamat siya ni Mayor Herbert Bautista gumikan sa gihatag niini nga  mga botelya sa usa ka energy drink.

"I got home & saw all the Gatorade waiting for me. Thank You HB! (Sorry I broke my rule about not mentioning him in my IG account)", sa post ni Kris.

Lakip pud niini ang paghisgot sa Queen of All Media sa kamaayo sa ilang panaghigalaay sa mayor.

"We're not a 'couple' but we are the BEST OF FRIENDS. And in this uncertain world, we're sure to be FRIENDS FOR LIFE. That's actually what we started as, it's where we are most comfortable being, and for whatever tomorrow may still bring, true & lasting friendship is always the best foundation..." pasiuna niya.

Dugang pa ni Kris nga dako ang kausaban sa iyang kinabuhi karong tuiga ug adunay dakong parte si Herbert Bautista kung unsa na siya karon. ( Itchelle P. Sarias CNU B.A Communication Intern)

Sarah nangandam na

Giandam na daan ni Sarah Geronimo ang iyang kaugalingon sa pagsulod sa bag-ong season sa The Voice. Kahinumduman nga  daghan ang wala makauyon sa pagkalakip ni Sarah isip mentor sa maong programa.

Angeline suki sa abroad

Mapasalamaton si Angeline Quinto sa ABS-CBN gumikan kay kanunay siya hatagan og mga show sa abroad. Giingong nahimong suki ang singer sa mga Pinoy sa laing nasud. Nahimo usab nga kabahin sa pipila niya ka mga show sa laing nasud mao ang Crystal Voice of Asia nga si Sheryn Regis.

Tropa nagkakusOg

Misamot kakusog ang gag show sa TV5 nga Tropa Mo Unli ug tsika pa ni Ogie Alcasid nga nagpasabot lang kini nga wala gihapon mobiya kaniya ang iyang fans bisan pa man nga naa na siya sa  laing network. Nasayran nga gigastohan og maayo sa network ang maong show.

Good boy

Tsika pa ni Luis Alandy nga bisan sa kadugay na niya sa showbiz, naa gyud kanunay sa iyang huna-huna nga dili magpa-late sa taping. Nagkanayon ang aktor nga usa kini sa sekreto aron magdugay ang iyang showbiz career.

Billy wala matandog

Giklaro ni Billy Crawford nga dili na mausab ang iyang feelings ngadto kang Coleen Garcia busa gipasagdan na lang niya ang mga kritiko nga magsige og saway sa pagpa-cute niya ngadto sa aktres.