Upat ka awom

Dear Kuya Uriel,

Ni-text ko tungod kay gusto kong makahibawo kun unsay akong CHI sa kinabuhi. I was born on January 11, 1981. Unsay kahimtang sa akong lovelife? Naa ko’y upat ka awom sa dughan. Unsay buot ipasabot? -- 0916-5584xxx

TUBAG: Sunoy ang imong horoscopic animal. Kusog ang imong positive CHI busa dako ang purohan nga maangkon nimo ang kalamposan ug kauswagan sa kinabuhi. Mas mabulokon ug malipayon ang imong lovelife kun maoy imong higugmaon ang usa ka binuhat nga natawo sa tuig sa baka, bitin ug dragon. Bahin sa imong awom sa dughan nagkahulogan kini nga lagmit makabaton ka og maayong panglawas, walay sapayan bisan kabos. Mao kini ang imong bahandi nga labaw og bili sa tanang mga butang sa kalibotan.

* * *

Dear Kuya Uriel,

Unsay akong CHI? I was born on March 30, 1989. Thank you very much. More power to you and Banat News. God bless you always. -- 0910-2168841

TUBAG: Natawo ka sa tuig sa bitin. Nahimugso ka sa petsa nga ang elementong yuta maoy essence of the day. Kusog ang buylo sa imong CHI. Nagpasalig kini alang kanimo og madagayaon nga kinabuhi. Likay sa gugmang gidili.

* * *

Dear Kuya Uriel,

Good day. I want to know my CHI. I was born on December 9, 1984. My boyfriend was born on March 19, 1983. Thank you. -- 0921-22057xx

TUBAG: Natawo ka sa tuig sa ilaga samtang ang imong boyfriend natawo sa tuig sa baboy. Managsamang kusog ang momentum sa inyong CHI. Ugaling lang kay dili nindot ang inyong kombinasyon. Giklaro sa punsoy nga dili kamo perfect match.

* * *

EDITOR’S NOTE: Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.