Determinado

Dear Kuya Uriel,

I just want to know the CHI of my life. I was born on November 21, 1968. My husband was born on July 4, 1964. Thanks. -- 0918-7459561

TUBAG: Kasarangan nga kinabuhi ang giandam kanimo sa CHI nga mugna sa petsa sa imong pagkahimugso. Makab-ot man tuod nimo ang kalamposan apan mosuong pa ikaw sa daghang pagsulay ug kalisdanan. Natawo ka sa tuig sa dragon. Bisan unsa ka demalas ang imong kinabuhi, wala sa imong bokabularyo ang pag-angka sa mga kakulian. Determinado ang imong diwa. Ayaw padani sa tental sa mga binuhat nga natawo sa tuig sa iro, koneho o baka kay sila ang magtukmod kanimo aron mahitumpawak ka sa bung-aw sa kaalaotan.

* * *

Dear Kuya Uriel,

Good day. I was born on April 8, 1979. Gusto kong magtukod og carenderia. Puyde ba kini nako? Thanks and God bless. -- 0916-2028xxx

TUBAG: Natawo ka sa tuig sa kanding. Dili kaayo haom alang kanimo ang pagnegosyo o carenderia. Mas haom alang kanimo ang trabaho o negosyo nga may kalabotan sa kalingawan, gardening, musika ug sa bisan unsang matang sa sining.

* * *

Dear Kuya Uriel,

Natawo ka sa November 14, 1961. Ang akong asawa natawo sa June 7, 1962. Thank you very much. More power and God bless. -- 0921-5568576

TUBAG: Natawo ka sa tuig sa baka samtang ang imong asawa natawo sa tuig sa tigre. Managsamang kusog ang momentum sa tagsatagsa ninyo ka CHI. Dili nindot ang inyong kombinasyon isip magtiayon. Giklaro sa punsoy nga dili kamo perfect match sa usa’g-usa. Labing maayo nga magbutang og bagua sa pultahan mayor sa balay aron pagkabig sa suwerte alang kaninyo. Gamit sa kolor nga orange ug olive green.

* * *

EDITOR’S NOTE: Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.