Natawo ka sa tuig sa bitin

Dear Kuya Uriel,

I want to know the CHI of my life and lovelife. I was born on October 26, 1977. Ang akong amiga Mayo 30, 1968. Thank you. -- 0926-2996560

TUBAG: Natawo ka sa tuig sa bitin. Kasarangan nga kinabuhi ang gipasalig sa CHI nga namugna sa petsa sa imong pagkahimugso. On and off ang buylo niini. Sagad nga lukewarm ang imong CHI sa mga adlaw'ng Miyerkules nga maatol sa petsa 14 sa bulan ug sa Biyernes nga maatol sa petsa 25 sa bulan. Lisod alang kanimo ang pagbugtaw sa tingusbawan. Dili ka makalikay sa mga gumonhap nga modangat sa imong kinabuhi. Gamit kanunay sa kolor nga blue green ug light yellow. Magmalipayon ka uban sa binuhat nga natawo sa tuig sa baka ug sunoy.

Ang imong amiga natawo sa tuig sa unggoy. Kusog ang buylo sa iyang positive CHI. Nagpasalig kini alang kaniya og kinabuhi nga tugob sa kaharuhay. Dako kaayo ang posibilidad nga moasenso siya. Gikinahanglan lamang niya ang moral support sa mga binuhat nga natawo sa tuig sa ilaga ug dragon aron molampos siya. Bukas alang kaniya ang daghang kahigayonan pagtuman sa iyang mga pangandoy sa kinabuhi.

Dili kamo perfect match sa usa’g-usa. Likayi siya kun mahimo.

* * *

Dear Kuya Uriel,

I just want to know my CHI. I was born on November 30, 1979. My girlfriend was born on August 30, 1974. Pareson ba mi? Thanks. -- 0919-6965xxx

TUBAG: Kanding ang imong horoscopic animal. Nahimugso ka sa petsa nga ang elementong tubig maoy essence of the day. Kusog ang buylo sa imong positive CHI apan dili kini makapasalig alang kanimo og madagayaon nga kinabuhi. Dili man god sa tanang higayon nga anaa sa kinatas-ang buylo ang imong life force. Sagad nga lukewarm ang imong CHI sa mga adlaw'ng Lunes nga maatol sa petsa 18 sa bulan ug sa Biyernes nga maatol sa petsa 25 sa bulan. Dili ang tanan nimong pangandoy sa kinabuhi makabaton og katumanan. Alang kanimo,ang kasakit ug kalipay maoy bagad sa kinabuhi. Gamit kanunay sa kolor nga lovender ug beige kay makatabang kini sa pagpalagsik sa imong CHI.

Ang imong girlfriend natawo sa tuig sa tigre. Ang elementong kahoy maoy koresponsal sa petsa sa iyang pagkahimugso. Kusog ang momentum sa iyang positive CHI. Nagpasalig kini alang kaniya og mabungahon nga kinabuhi. Bukas alang kaniya ang daghang kahigayonan sa pag-asenso. Dako ang purohan nga makabaton og katumanan ang iyang mga pangandoy. Epektibo siya sa natad sa negosyo. Paborable usab alang kaniya ang kanunay nga pagbiyahe. Wala siyay suwerte sa sugal. Dili nindot ang inyong kombinasyon isip managhigugmaay. Sumala sa punsoy, dili kamo pareson. Dili man god kamo perfect match sa usa’g-usa. Pipila lamang ka butang ug aspeto sa kinabuhi nga compatible kamo.

* * *

EDITOR’S NOTE: Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.