Moruri, Andrin daog sa Alphans Run
CEBU, Philippines – Ang Kenyan nga si Joseph Moruri ug teen runner nga si Cherry Andrin ang nag-una sa tagsa-tagsa nila ka dibisyon sa 2017 Alphans Run kagahapon didto sa Cebu Business Park.
Gipuhalan ni Moruri ang iyang kababayan nga si Eric Chepsiror sa oras nga 41:16, usa ka segundo ang labaw ngadto sa nauwahi. Misakmit sa ikatulong dapit ang lumad nga taga-Davao nga si Robert Daang sa oras nga 45:56.
Si Andrin mipilde sa beterana nga si Ruffa Sorongon sa oras nga 53:05 aron masakmit ang 12K women's title, samtang ang nauwahi adunay oras nga 53:19. Milandig sa ikatulo si Michelle Beboso sa oras nga 56:52.
Ang igsuon ni Cherry nga si Lovely mao usab ang reyna sa 6K sa oras nga 26:28 gisundan nila ni Rhea Encarnacion (28:10) ug Mary joy Castor (29:19).
Gipilde ni Arnel Florentino (20:06) si James Mebei (20:42) alang sa 6K men's gold. Mipahiluna sa ikatulo si Azlan Pagay sa oras nga 25:42.
Ang top three finishers sa 3K male mao sila si Ariel Saballa (11:06), Harold Guiao (11:12) ug Albert Godinez (12:10).
Migawas nga tulo sa labing paspas sa 3K women's mao sila si Charrise Encarnacion (14:23), Angel Estillore (14:51) ug Rosemarie Tumamak (15:12). – LPM (BANAT NEWS)
- Latest
