George mobiya sa Pacers
CEBU, Philippines - Duha ka kasaligang tinubdan ang mipahibawo ngadto sa The Associated Press nga si star forward Paul George nananghid na sa Indiana Pacers sa plano nga mobalhin og laing team kon mamahimo na siyang usa ka free agent sa tuig 2018.
Ang ugma ni George nahimong sumsoman sa milabay’ng mga bulan ug nahatagan kini og katin-awan ning bag-o lang human nag-estorya silang George ug management sa Pacers. Wala pa hinuo’y klaro ang Pacers kon unsay sunod nilang lakang alang ni George.
Si George miduwa sa tanan niyang pito ka tuig sa NBA uban sa Indiana diin siya mihimo og pangan isip usa sa labing maayong magduduwa sa liga. Mipakita siya’g aksiyon sa upat ka All-Star games ug mi-average og career-high 23.7 points matag duwa sa miaging season.
(BANAT NEWS)
- Latest